Matria (filme)

Matria
Ficha técnica
Título orixinal	Matria
Director	Álvaro Gago
Produtor	Daniel Froiz; María Zamora; Stefan Schmitz; Mireia Graell Vivancos
Guión	Álvaro Gago
Intérpretes	María Vázquez; Soraya Luaces; E.R. Cunha "Tatán"; Susana Sampedro; Santi Prego
Música	Patricia Cadaveira; Marcel Pascual
Fotografía	Lucía C. Pan
Montaxe	Ricardo Saraiva
Estudio	Matriuska Producciones; Avalon PC; Elastica Films; Ringo Media
Estrea	Festival de Berlín: 17 de febreiro de 2023; 24 de marzo de 2023
Orixe	Galicia
Xénero	Drama
Recadación	221.901,31 €
Na rede

Matria é un filme galego de 2023 dirixido por Álvaro Gago (no seu debut como director dunha longametraxe) e protagonizado por María Vázquez. Foi rodado en lingua galega.

Sinopse[editar | editar a fonte]

Ambientada nunha vila mariñeira galega, a trama segue a difícil situación de Ramona, unha muller traballadora que loita por manterse a flote.^[2] Segundo María Vázquez "Matria reflicte a vida dunhas mulleres moi fortes e poderosas, pero con pouca autoestima. Manteñen a industria na zona das Rías Baixas e tamén coidan da súa familia e da familia dos demais para que estes poidan traballar".^[3]

Personaxes[editar | editar a fonte]

María Vázquez as Ramona^[4]
Santi Prego como Andrés^[4]
Soraya Luaces como Estrella^[4]
E.R. Cunha "Tatán" como Xosé^[4]
Susana Sampedro como Carme^[4]

Produción[editar | editar a fonte]

A historia baséase libremente na vida de Francisca Iglesias, unha muller que coidaba do avó de Gago, e que protagonizou a curtametraxe homónima de Gago.^[5] María Vázquez asumiu o papel protagonista (Ramona) da longametraxe, interpretando unha versión máis nova do personaxe.^[5] Francisca Iglesias desempeña un papel menor no filme.^[5] O filme foi producido pola pontevedresa Matriuska Producciones, a madrileña Avalon PC, a valenciana Elastica Films e a barcelonesa Ringo Media.^[4] Completamente rodado en lingua galega, María Vázquez (que se criou na provincia de Lugo) afrontou o reto de adaptar o seu galego á variedade das Rías Baixas.^[5]

Estrea[editar | editar a fonte]

O filme estreouse o 17 de febreiro de 2023 na 73ª edición do Festival Internacional de Cinema de Berlín, proxectado na sección Panorama do festival. Estreouse nos cinemas en España o 24 de marzo de 2023.^[6]

Acollida[editar | editar a fonte]

Jonathan Holland de ScreenDaily, advertindo de que "calquera persoa que busque unha historia valente e contra prognóstico, contada a través dos ollos dunha vítima da inxustiza, chegou ao lugar equivocado", e destacou que unha das virtudes fundamentais do filme é que [a protagonista] "é falible e autodestrutiva".^[7]

Marta Balaga de Cineuropa considerou que o filme é "unha boa visión do cinema social", e que conta cunha protagonista [Ramona] que "se sente real e "divertida" de seguir, aínda que un pode quedar sen alento".^[2]

Galardóns[editar | editar a fonte]

Ano	Cerimonia	Categoría	Galardoado	Resultado	Ref
2023	26ª edición do Festival de Cinema de Málaga	Biznaga de prata á mellor actriz	María Vázquez	Gañadora	^[8]

Nos Premios Mestre Mateo 2024 levou cinco premios: actor de reparto (Santi Prego), Interpretación Feminina de Reparto (Susana Sampedro), dirección de produción (Nati Juncal), dirección de fotografía (Lucía C. Pan), interpretación feminina protagonista (María Vázquez).^[9]