Mary Harris Jones

Mary Harris Jones
	; Mother Jones en 1902.
Biografía
Nacemento	bautizada o 1 de agosto de 1837; Cork, Irlanda
Morte	30 de novembro de 1930 (93 anos); Adelphi, Maryland, Estados Unidos
Lugar de sepultura	Union Miners Cemetery (en)
Datos persoais
Outros nomes	"Mother" Jones
País de nacionalidade	Reino Unido de Gran Bretaña e Irlanda ; Estados Unidos de América
Actividade
Ocupación	mestra , escritora , sindicalista (pt) , Activista polos dereitos humanos , sindicalista , community organizer (en)
Partido político	Social Democratic Party of America (en) ; Partido Socialista da América (pt)
Lingua	Lingua inglesa
	Premios (1992) Labor Hall of Honor (en) ; (1984) National Women's Hall of Fame ;

Mary Harris "Mother" Jones, nada no ano 1837^[1]^[2] en Cork e finada o 30 de novembro de 1930, foi unha mestra e costureira de orixe irlandesa que se converteu nunha importante figura da organización sindical e comunitaria nos Estados Unidos de América. Axudou a coordinar importantes folgas e foi cofundadora do Industrial Workers of the World.

Jones traballou como mestra e costureira, mais trala morte do seu home e os seus catro fillos por febre amarela en 1867 e a destrución do seu obradoiro de costura no Grande incendio de Chicago de 1871, comezou a súa labor sindicalista para Knights of Labor e United Mine Workers.^[3] Dende 1897 á idade de 60 anos, comezou a ser coñecida como Mother Jones. En 1902 foi chamada "a muller máis perigosa de América" polo seu éxito na organización dos mineiros e as súas familias contra os propietarios das minas. En 1903, para protestar pola neglixente aplicación das leis do traballo infantil nas minas e fábricas de seda de Pensilvania, organizou unha marcha de nenos dende Filadelfia até a residencia do presidente Roosevelt en Nova York.^[4]

A revista Mother Jones, estabelecida en 1976, leva o seu nome.

Notas[editar | editar a fonte]

↑ "Cork Mother Jones Festival". Consultado o 4 de outubro de 2017.
↑ "Mother Jones". Consultado o 4 de outubro de 2017.
↑ Gorn, Elliot J. (2002). Hill and Wang, ed. Mother Jones: The Most Dangerous Woman in America. Nova York. p. 4. ISBN 978-0809070947.
↑ explorepahistory.com (ed.). "Mother Jones leading a protest, circa 1903.". Consultado o 4 de outubro de 2017.