Loveless
| Loveless | ||||
|---|---|---|---|---|
| Álbum de My Bloody Valentine | ||||
| Publicado | 4 de novembro de 1991 | |||
| Gravación | 1989 - 1991 | |||
| Duración | 48:36 | |||
| Xénero(s) | shoegazing | |||
| Selo(s) | Creation Records | |||
| Producido por | Kevin Shields, Colm Ó Cíosóig | |||
| Cronoloxía | ||||
| ||||
Loveless é o segundo álbum da banda de rock alternativo My Bloody Valentine, editado o 4 de novembro de 1991 a través do selo Creation Records. Loveless foi gravado durante un período de dous anos, entre 1989 e 1991, en 19 estudios de gravación. O vocalista e guitarrista Kevin Shields dominou o proceso de gravación e tratou de lograr un son particular para o disco, facendo uso de varias técnicas. Un gran número de técnicos de son foron contratados e despedidos durante o proceso de gravación, aínda que a banda finalmente acreditou no libreto a todos os que estiveron presente nas gravacións, "incluso se unicamente foron facer té", segundo Shields.
A relación de My Bloody Valentine con Creation Records deteriorouse durante todo ese tempo, e a banda foi retirada da discográfica despois da súa edición debido ao difícil e caro que era traballar con Shields. Loveless non foi un grande éxito comercial, pero foi moi ben recibido pola crítica, sendo considerado na actualidade un hito no shoegazing. O disco foi citado por moitos artistas como unha importante influencia e para moitos críticos trátase dun dos mellores álbums dos anos 90.
En novembro do 2003 a publicación Pitchfork Media elixiuno o segundo mellor álbum da década na súa lista dos 100 mellores discos dos 90[1], e no mes de outubro de 2016 elixiuno mellor álbum de shoegaze de todos os tempos.[2]
Listaxe de cancións[editar | editar a fonte]
Tódolos temas escritos e compostos por Kevin Shields, agás onde se indique.
| N.º | Título | Escritor(es) | Duración |
|---|---|---|---|
| 1. | "Only Shallow" | Bilinda Butcher, Shields | 4:17 |
| 2. | "Loomer" | Butcher, Shields | 2:38 |
| 3. | "Touched" | Colm Ó Cíosóig | 0:56 |
| 4. | "To Here Knows When" | Butcher, Shields | 5:31 |
| 5. | "When You Sleep" | 4:11 | |
| 6. | "I Only Said" | 5:34 | |
| 7. | "Come In Alone" | 3:58 | |
| 8. | "Sometimes" | 5:19 | |
| 9. | "Blown a Wish" | Butcher, Shields | 3:36 |
| 10. | "What You Want" | 5:33 | |
| 11. | "Soon" | 6:58 |
Notas[editar | editar a fonte]
- ↑ "Pitchfork Media - Top 100 Albums of the 1990s". Arquivado dende o orixinal o 22 de xuño de 2009. Consultado o 30 de setembro de 2011.
- ↑ Pitchfork (ed.). "The 50 Best Shoegaze Albums of All Time". Consultado o 24 de outubro de 2016.
