Lamniformes

Lamniformes
(Lamniformes)
Rango fósil: cretáceo temperán - actualidade^[1]

Carcharias taurus

Os Lamniformes son unha orde de condrictios elasmobranquios selaquimorfos^[2] que inclúe numerosas especies de tiburóns, algunhas tan coñecidas como o tiburón branco (Carcharodon carcharias), mentres que outras son tan estrañas como o tiburón de boca ancha (Megachasma pelagios) ou o quenlla fociñuda (Mitsukurina owstoni).

Características[editar | editar a fonte]

Posúen dúas aletas dorsais sen espiñas e unha aleta anal. Teñen cinco fendeduras branquiais e, normalmente, espiráculos pequenos situados tras os ollos, que carecen de membranas nictitantes. Aas mandíbulas esténdense até máis atrás dos ollos.

Orde Lamniformes

En augas próximas ás nosas costas están citadas as seguintes especies da orde:^[3]^[4]

Familia Lamnidae:
- Lamna nasus (Bonnaterre, 1788) - o marraxo
- Carcharodon carcharias (Linnaeus, 1758) - o tiburón branco
- Isurus oxyrhinchus Rafinesque, 1810 - o marraxo azul
Familia Cetorhinidae:
- Cetorhinus maximus (Gunnerus, 1765) - o peixe bobo
Familia Alopiidae:
- Alopias vulpinus (Bonnaterre, 1788) - o raposo do mar

↑ Froese, Rainer, e Daniel Pauly, eds. (2009): Lamniformes, en FishBase. Versión, xaneiro de 2009.
↑ Froese, Rainer, e Daniel Pauly, eds. (2010): Lamniformes, en FishBase, xaneiro de 2010.
↑ Rodríguez Villanueva, X. L. e Xavier Vázquez (1992): Peixes do mar de Galicia. (I) Lampreas raias e tiburóns. Vigo: Edicións Xerais de Galicia. ISBN 84-7507-654-8.
↑ Solórzano, Manuel R[odríguez]; José L. Rodríguez, José Iglesias, Francisco X, Pereira e Federico Álvarez (1988): Inventario dos peixes do litoral galego (Pisces: Cyclostomata, Chondrichthyes, Osteichthyes). O Castro-Sada, A Coruña: Cadernos da Área de Ciencias Biolóxicas (Inventarios). Seminario de Estudos Galegos, vol. IV. ISBN 84-7492-370-0.