Justo Prada López
| Biografía | |
|---|---|
| Nacemento | 7 de agosto de 1882  Vilamartín de Valdeorras, España |
| Morte | 20 de novembro de 1937 (55 anos) Xixón, España |
| Datos persoais | |
| País de nacionalidade | España |
| Actividade | |
| Ocupación | mestre , político |
| Partido político | Partido Socialista Obrero Español |
| Lingua | Lingua castelá |
Justo Prada López, nado en Vilamartín de Valdeorras o 7 de agosto de 1882[1] e finado en Xixón o 20 de novembro de 1937, foi un mestre e político galego.
Traxectoria[editar | editar a fonte]
Obtivo o título de mestre de primeira ensinanza elemental en Ourense en 1906.[2] Foi nomeado mestre de Arcos (Vilamartín de Valdeorras) en novembro de 1923,[3] e despois foi mestre de Viloira (O Barco de Valdeorras) e Córgomo (Vilamartín de Valdeorras). Membro da Sociedad Agraria de Trabajadores do Barco de Valdeorras e militante do PSOE dende 1931. Co golpe de Estado do 18 de xullo de 1936 incorporouse ao Comité Revolucionario de Vilamartín de Valdeorras facendo fronte á sublevación militar ata o 21 de ese cando escapou aos montes de León. Permaneceu no monte ata o 7 de agosto que chegou a Asturias por San Antolín de Ibias (Ibias). Foi cociñeiro das milicias ata que en novembro de 1936 se trasladou a Xixón reclamado como mestre. Estivo destinado na escola de Llorío (Laviana) e despois en San Ignacio de Ponga (Ponga). En febreiro de 1937 afiliouse á Asociación de Trabajadores de la Enseñanza da UGT de Asturias e ao Partido Comunista de España. Logo da caída de Asturias en outubro de 1937 foi detido e condenado a morte en consello de guerra o 9 de novembro. Foi executado en Xixón o 20 de novembro.[4]
Notas[editar | editar a fonte]
- ↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 68.
- ↑ La Correspondencia Gallega, 15-5-1907, p. 2.
- ↑ El Compostelano, 30-11-1923, p. 2.
- ↑ "Gallegos fusilados en Gijón.". Arquivado dende o orixinal o 12 de agosto de 2022. Consultado o 20 de marzo de 2021.
Véxase tamén[editar | editar a fonte]
Ligazóns externas[editar | editar a fonte]
- Justo Prada López na páxina web Nomes e Voces.
