Joseph Campbell

Na Galipedia, a Wikipedia en galego.
Joseph Campbell

Joseph Campbell, nado en White Plains o 26 de marzo de 1904 e finado en Honolulú o 30 de outubro de 1987, foi un escritor e mitólogo estadounidense, coñecido pola súa obra sobre mitoloxía e relixión comparada.

Ideas[editar | editar a fonte]

Tras comparar os mitos en diferentes culturas chegou á conclusión que son a transposición en relato da mesma busca espiritual. Nestas historias, aparece un heroe que funciona como arquetipo e que segue un camiño marcado pola aventura e a apoteose final (monomito). Este camiño amósase tamén nos soños e na ficción, xa que é universal e pertence ao inconsciente colectivo, seguindo a teoría de Jung. Xa que logo o relato particular non é máis ca unha "máscara" cultural e para o estudar ha de se ver que elementos esencias o forman, elementos que están en descrédito no mundo contemporáneo e polo tanto agroman na forma de trastornos mentais ou obras de fantasía.

Os mitos de diferentes culturas comparten mitemas ou elementos comúns, de maneira que son variantes de historias semellantes, que pasan por diferentes fases: no Paleolítico xorden os mitos sobre animais fabulosos, tótems e espíritos ligados á natureza; no Neolítico o foco está na fertilidade e a Nai Natureza, os ciclos naturais e outros fenómenos semellantes; na Idade de Bronce xorden os primeiros panteóns, con deuses especializados en diferentes funcións e mitos derivados e finalmente xorden os mitos que aumentan en abstracción, onde o ser humano tamén xoga un papel relevante.

Obras[editar | editar a fonte]

  • A Skeleton Key to Finnegans Wake (1944)
  • The Hero with a Thousand Faces (1949)
  • The Masks of God (1959-1968)
  • The Mythic Dimension: Selected Essays (1959-1987)
  • The Hero's Journey: Joseph Campbell on His Life and Work (1990), obra editada por Phil Cousineau baseada en entrevistas con Campbell