Joaquín Ruiz-Giménez Cortés

Joaquín Ruiz-Giménez Cortés
	;
Biografía
Nacemento	2 de agosto de 1913 ; Hoyo de Manzanares, España
Morte	27 de agosto de 2009 (96 anos); Madrid, España
Defensor del Pueblo
	1982 – 1987 ; ← sen valor – Álvaro Gil-Robles (pt) →
Procurador en Cortes
	3 de xullo de 1964 – 15 de novembro de 1967 ; Lexislatura: VIII lexislatura das Cortes franquistas
Procurador en Cortes
	31 de maio de 1961 – 6 de xuño de 1964 ; Lexislatura: VII lexislatura das Cortes franquistas
Procurador en Cortes
	16 de maio de 1958 – 18 de abril de 1961 ; Lexislatura: VI lexislatura das Cortes franquistas
Procurador en Cortes
	14 de maio de 1955 – 8 de maio de 1956 – Jesús Rubio García-Mina (en) → ; Lexislatura: V lexislatura das Cortes franquistas
Procurador en Cortes
	14 de maio de 1952 – 13 de abril de 1955 ; Lexislatura: IV lexislatura das Cortes franquistas
Procurador en Cortes
	18 de decembro de 1951 – 5 de abril de 1952 ; ← José Ibáñez Martín ; Lexislatura: III lexislatura das Cortes franquistas
Minister of National Education (en)
	18 de xullo de 1951 – 16 de febreiro de 1956 ; ← José Ibáñez Martín – Jesús Rubio García-Mina (en) →
Embaixador de España na Santa Sé
	1948 – 1951 ; ← Pablo de Churruca y Dotres (en) – Fernando María Castiella →
Q43199647
	outubro de 1946 – novembro de 1948 ; ← sen valor – Alfredo Sánchez Bella (pt) →
Catedrático de universidade
Datos persoais
País de nacionalidade	España
Educación	Universidade Central - licenciatura en Dereito ; Universidade Complutense de Madrid
Actividade
Campo de traballo	Dereito, Filosofía do dereito, Filosofía cristiá, catolicismo, human rights protection (en) , política e Democracia cristiá
Lugar de traballo	Madrid
Ocupación	diplomático , xurista , filósofo , ministro , profesor universitario , escritor , político , académico , ministro da educação (pt)
Empregador	Universidade de Madrid ; Universidade de Sevilla ; Universidade de Salamanca
Membro de	Orde do Santo Sepulcro de Xerusalén ; Royal European Academy of Doctors (en)
Lingua	Lingua castelá
Familia
Fillos	Guadalupe Ruiz-Giménez (en)
Pai	Joaquín Ruíz Giménez
	Premios (1997) Gran Cruz de la Orden Civil de la Solidaridad Social (en) ; (1991) Orde do Mérito Constitucional; (1988) Creu de Sant Jordi; (13 de agosto de 1984) Q43254349 ; (1956) Gran Cruz de Afonso X o Sabio; (18 de xullo de 1953) Grã-Cruz da Ordem da Instrução Pública (pt) ; Gran Cruz da Orde de San Raimundo de Peñafort; doutor honoris causa pola Universidade Carlos lll; Gran Cruz da Orde de Isabel a Católica; doutor honoris causa pola Universidade de Xaén ;

Joaquín Ruiz-Giménez Cortés, nado en Hoyo de Manzanares, Madrid, o 2 de agosto de 1913 e finado en Madrid o 27 de agosto de 2009,^[1] foi un catedrático, político e xurista español.

Biografía[editar | editar a fonte]

Fillo de Joaquín Ruiz Jiménez, ministro liberal no goberno do conde de Romanones e alcalde de Madrid en catro ocasións, militou dende moi novo entre os estudantes católicos, chegando a ser presidente da súa organización. Estudou dereito na Universidade de Madrid e foi presidente da organización internacional "Pax Romana" (1939-46). Doutor en Dereito e licenciado en Filosofía e Letras, obtivo en 1943 a cátedra de filosofía do Dereito chegando a ser titular da mesma nas universidades de Sevilla, Salamanca e Madrid.

Director do Instituto de Cultura Hispánica (1946-1948) e embaixador ante a Santa Sé (1948-1951) durante as negociacións do Concordato (asinado finalmente en 1953), foi nomeado ministro de Educación Nacional en 1951, iniciando un proceso de reforma das institucións docentes, mais tivo que dimitir en 1956 ante as dificultades da súa empresa e o seu enfrontamento cos elementos máis inmobilistas da ditadura. Durante estes anos tivo baixo o seu mando no Instituto de Cultura Hispánica e como secretario xeral técnico a un novo Manuel Fraga.

Dende entón foi achegando as súas conviccións políticas ás da oposición ao réxime. Uns disturbios estudantís enfrontáronlle co ministro da Gobernación e puxeron ao réxime nun apuro, que se saldou coa súa destitución (1956). En 1961, o xeneral Franco nomeouno conselleiro nacional do Movemento. En 1963, fundou a revista Cuadernos para el Diálogo, foco de protesta dos democristiáns progresistas, dos que foi cabeza nos últimos anos da ditadura.

En 1975, ano da morte do xeneral Franco, participou na creación da Plataforma de Converxencia Democrática dende a súa adscrición á ala esquerda da democracia cristiá. En 1977 presentou a súa candidatura a deputado por Izquierda Democrática dentro da Federación da Democracia Cristiá. Derrotado nas eleccións de 1977, retirouse da política.

Vicepresidente do Instituto Internacional de Dereitos Humanos. O grupo parlamentario do PSOE, cun amplo acordo coa oposición, elixiuno en decembro de 1982 para ser o primeiro Defensor do Pobo de España, cargo de nova implantación na democracia española; concluíu o seu mandato o 30 de decembro de 1987. Presidente de UNICEF-España (1989-2001).

Na Biblioteca de Dereito da Universidade Autónoma de Madrid pódese consultar a colección bibliográfica cedida á Universidade. O seu arquivo, composto fundamentalmente por correspondencia persoal e oficial, conferencias, informes, fotografías, documentos persoais e documentación relativa ás súas etapas en UNICEF, como Defensor do Pobo e outros cargos públicos, está depositado na Biblioteca da Universidade Carlos III de Madrid.

Joaquín Ruiz-Giménez, faleceu no seu domicilio de Madrid aos 96 anos, tras sufrir un infarto cerebral, na mañá do 27 de agosto de 2009.

Predecesor: José Ibáñez Martín	Ministro de Educación Nacional de España 1951 - 1956	Sucesor: Jesús Rubio García-Mina
Predecesor: Nova creación	Defensor do Pobo de España 1982 - 1987	Sucesor: Álvaro Gil-Robles