Grupo abeliano (novela)
| Grupo abeliano | |
|---|---|
| Título orixinal | Grupo abeliano |
| Autor/a | Xosé Cid Cabido |
| Orixe | Galiza |
| Lingua | galego |
| Xénero(s) | Novela |
| Editorial | Edicións Xerais |
| Data de pub. | 1999 |
| Formato | edición rústica cosida a fío 14,5 x 22 cm |
| Páxinas | 152 |
| ISBN | 978-84-8302-466-9 |
| [ editar datos en Wikidata ] | |
Grupo abeliano é unha novela de Xosé Cid Cabido publicada en 1999. Ese mesmo ano foi gañadora do Premio Blanco Amor de narrativa.
Trama[editar | editar a fonte]
A novela narra as peripecias dun grupo de seis ou sete amigos durante unha semana.
A historia comeza in medias res na mañá do primeiro día. O grupo de mozos está na sede do Goberno Civil, e alí convencen o gobernador para que evacúe o edificio e deixe o seu posto. Desde aí diríxense a unha lavandería, onde deixan a lavar os calcetíns, e despois mercan outros novos.
Deseguido continúan, durante sete días, improvisando en boa medida (agás unha visita a unha entidade bancaria) as súas accións: tanto as máis básicas (onde durmir e comer) como as máis lúdicas ou simplemente de entretemento.
Mediante o diálogo e a acción directa non teñen problemas para comeren sen pagar, recargar combustible, e mesmo conseguiren armas de fogo nunha comisaría.
Como fin inmediato teñen conseguir unha furgoneta para iren de viaxe cara ao norte, e cartos para viaxaren durante algúns meses.
Narración[editar | editar a fonte]
A narración está feita en primeira persoa por un dos protagonistas. É unha narración liñal, sen analepses nin prolepse.
Traducións[editar | editar a fonte]
- Ao castelán por Sara Cid Cabido co título de Grupo abeliano publicado en 2000 por Alianza Editorial, Col. Alianza ficción[1].
Notas[editar | editar a fonte]
- ↑ Ficha Arquivado 16 de marzo de 2018 en Wayback Machine. en BiTraGa
