Georges Simenon

Na Galipedia, a Wikipedia en galego.
Georges Joseph Christian Simenon
1963
Profesión: escritor
País: Bélxica Bélxica
Nado en: 13 de febreiro de 1903
Lugar de nacemento: Liexa, Bélxica
Faleceu en: 4 de setembro de 1989
Lugar: Lausana Suíza

Georges Joseph Christian Simenon, nado en Liexa en 1903 e finado en Lausana en 1989, foi un escritor belga.

Traxectoria[editar | editar a fonte]

Simenon procedía dunha familia acomodada limburguesa asentada en Liexa. En 1918 deixa os estudos e en 1919 comeza a traballar par o xornal conservador La Gazette de Liège. Logo da morte do seu pai estableceuse en París (1922). Entre 1945 e 1955 viviu nos Estados Unidos e dende 1957 residiu en Suíza.

Simenon foi un dos escritores máis prolíficos do século XX, escribía entre 60 e 80 páxinas ao día, e durante a súa vida publicou 368 novelas e máis de 200 relatos, aínda que é coñecido sobre todo polas 75 novelas 28 relatos do Comisario Maigret; a primeira novela da serie, Pietr-Le-Letton apareceu en 1931 e a última, Maigret et M. Charles en 1972. As novelas de Maigret traducíronse a 55 linguas e moitas convertéronse en filmes.

Simenon tamén escribiu gran número de novelas psicolóxicas como La neige était sale (1948) ou Le fils (1957).