Xosé Gambino

Na Galipedia, a Wikipedia en galego.
(Redirixido desde "Gambino")
San Roque de Gambino na capela do Hospital de San Roque en Santiago de Compostela

Xosé Gambino, nado no Faramello (Pazo do Faramello), Ribasar, Rois, en 1719 e finado en Santiago de Compostela en 1775, foi o máximo expoñente da escultura rococó en Galicia.

Traxectoria[editar | editar a fonte]

Colaborou con Fernando de Casas Novoa na fachada do Obradoiro. Os franciscanos encargáronlle unha figura de Santo Antón para o convento de Herbón, onde innova a iconografía galega co neno nun só brazo. Máis tarde, neste mesmo convento, talla as imaxes da Virxe, San Xosé, San Francisco, San Miguel, San Rafael e Santiago peregrino. Realizou as imaxes para o retablo da capela do pazo de Oca. En 1753 aparece traballando no mosteiro de Oseira.

É emblemático o seu Santiago peregrino da sala capitular da basílica compostelá e as súas imaxes de Santiago Matamouros (na propia catedral e no frontón do Pazo de Raxoi). Salienta tamén un San Roque na capela compostelá do mesmo nome.

Grandes mosteiros como o de Sobrado dos Monxes e San Martiño Pinario reclamaron tamén os seus servizos. Con el formouse o grande escultor galego do período seguinte Xosé Ferreiro, o seu xenro.

Véxase tamén[editar | editar a fonte]

Bibliografía[editar | editar a fonte]