Formaldehido

Fórmula química do metanal.

O formaldehido ou metanal é un composto químico, máis especificamente un aldehido (o máis simple deles) que é altamente volátil e moi inflamábel, de fórmula H₂C=O.

Historia e características

Foi descuberto en 1867 polo químico alemán August Wilhelm von Hofmann. Obtense por oxidación catalítica do alcol metílico. A temperatura normal, é un gas incoloro dun cheiro penetrante, moi solúbel en auga e en ésteres. As disolucións acuosas ao 40% coñécense co nome de formol, que é un líquido incoloro de cheiro penetrante e sufocante; estas disolucións poden conter alcol metílico como estabilizante. Pode ser comprimido até o estado líquido; o seu punto de ebulición é -21°C.

Véxase tamén

Ligazóns externas

• Instituto Nacional de Seguridade e Hixiene no Traballo de España: Ficha internacional de seguridade química do formaldehido. (en castelán)