Euskotren Trena

Na Galipedia, a Wikipedia en galego.
(Redirixido desde "EuskoTren")
Estación de Bilbao-Atxuri
Estación de Lugaritz-Donostia

Euskotren Trena (antes coñecida como EuskoTren) é unha das dúas marcas comerciais baixo as que opera a sociedade pública Eusko Trenbideak - Ferrocarriles Vascos S.A., pertencente ao Goberno Vasco a partir da transferencia ao mesmo polo Estado Español dos tramos que pertenceron a FEVE en territorio vasco. Euskotren Trena opera os servizos ferroviarios, mentres que Euskotren Tranbia é a encargada da explotación dos servizos de tranvía; Euskotren Autobusa explota varias liñas de autobús interurbano en Biscaia (baixo a marca Bizkaibus) e en Guipúscoa (baixo a marca Lurraldebus); e Euskotren Kargo encárgase do transporte de mercancías por ferrocarril.

Esta empresa foi a propietaria da antiga liña ferroviaria Bilbao-Plentzia, antes explotada por FTS (Ferrocarriles e Transportes Suburbanos de Bilbao), parte da actual Liña 1 do Metro de Bilbao dende 1995. Euskotren Trena explota tamén varias liñas de autobuses e o funicular da Reineta en Valle de Trápaga (Biscaia).

Dende o 2006, Euskotren Trena é a marca operadora do administrador ferroviario da rede de infraestruturas dos ferrocarrís vascos, un ente público de dereito privado Euskal Trenbide Sarea - Red Ferroviaria Vasca, segundo a Lei do Parlamento Vasco 6/2004, do 21 de maio de 2006. É situación parella a de Renfe Operadora respecto de Adif.

Liñas ferroviarias[editar | editar a fonte]

EuskoTren ocupa varias liñas ferroviarias nos territorios de Biscaia e Guipúscoa, así como en Francia. Nas liñas xa estabelecidas, realiza servizos de cercanías nas zonas onde non opera Proximidades Renfe, servizos rexionais entre Bilbao e San Sebastián, e servizos de Ponte entre Irún e Hendaia, mentres que na Liña 3 do metro de Bilbao, ofrecerá un servizo de ferrocarril metropolitano.

Euskotren1d.PNG Atxuri (Bilbao) - Ermua Durangaldea
Euskotren1k.PNG Ermua - Amara (Donostia) Kostaldea
Euskotren1t.PNG Ermua - Eibar - Azitain Tranbia Eibar-Ermua
Euskotren2.PNG Lasarte Oria - Hendaia Topo
Euskotren3.PNG Atxuri (Bilbao) - Bermeo Urdaibai
Euskotren4.PNG Deustu (Bilbao) - Lezama Txorierri
Euskotren5.PNG Escontrilla - La Reineta Funicular
Euskotren6.PNG Lasao - Azpeitia Tren Vapor
San Antonio - Matiko Liña 3 do Metro de Bilbao (Proxectado para 2012)

Liñas e estacións[editar | editar a fonte]

Plano das liñas e estacións de Eusko Trenbideak.

Euskotren Autobusa[editar | editar a fonte]

Biscaia[editar | editar a fonte]

Autobús de EuskoTren, integrado en Bizkaibus.

Os autobuses interurbanos de Euskotren atópanse integrados no servizo de Bizkaibus, dependente da Deputación Foral de Biscaia. Na seguinte lista inclúense as liñas coa numeración de Bizkaibus.

Guipúscoa[editar | editar a fonte]

Os autobuses interurbanos de Euskotren atópanse integrados no servizo de Lurraldebus, dependente da Deputación Foral de Guipúscoa. A única excepción é o servizo municipal de Eibar "Udalbus", que conecta os barrios de Azitain e Amaña e que non está integrado en Lurraldebus.

Ligazóns externas[editar | editar a fonte]

Commons
Commons ten máis contidos multimedia sobre: Euskotren Trena