Enigma Records

Na Galipedia, a Wikipedia en galego.
Enigma Records

Compañía nai Greenworld Distribution (ata 1985)
EMI (dende 1989)
Fundado en 1980
Fundador William e Wesley Hein
Estado defunta
Distribuidoras
Xénero(s) hard rock, heavy metal, rock alternativo, punk rock
País de orixe Estados Unidos Flag of the United States.svg
Localización Culver City, California
Web oficial

Enigma Records (temén coñecido como Enigma Entertainment Corporation) foi un popular selo discográfico estadounidense de rock e música alternativa dos anos 80. Inicialmente foi unha división de Greenworld Distribution, unha distribuidora independente, e separouse dela en 1985 para converterse nunha compañía de seu. Nun principio estableceuse en Torrance, California, posteriormente en El Segundo, California e finalmente en Culver City, California.

Enigma foi fundada e dirixida polos irmáns William e Wesley Hein. Jim Martone uníuse á compañía en 1984 e converteuse nun compañeiro dos irmáns Hein. Enigma centrouse no punk rock, o rock alternativo e o heavy metal, aínda que tamén editou traballos de techno, jazz e música clásica a través de selos subsidiarios.

Enigma tivo dúas divisións: a Enigma Retro, centrada na reedión de material baixo licenza de outros selos como Straight Records, Bizarre Records e DiscReet Records; e a Restless Records, dedicada a artistas que non estaban preparados para ser distribuídos a gran escala. Enigma tamén publicou bandas sonoras de películas como The Terminator e River's Edge e algúns títulos de Mute Records nos Estados Unidos. O álbum de Sonic Youth Daydream Nation (1988) foi orixinalmente editado a través de Enigma Records, en asociación con Blast First Records.

Enigma Records estivo nun principio distribuída por firmas independentes de distribución e importación de discos, como JEM Records e Important Records, e en 1986 asinou un acordo para distribuir a través de Capitol/EMI. Enigma foi mercada por esta discográfica en 1989 e posteriormente fusionada con Restless en 1991, movendo a este selo o seu catálogo, operacións e parte dos artistas.

A división canadense de Enigma pechou en 1992 e foi reorganizada en FRE Records. Porén, declarouse en bancarrota en 1996 e en 1999 o seu fondo de catálogo foi vendido a DROG Records.