Educación Secundaria Obrigatoria

Na Galipedia, a Wikipedia en galego.
ESO redirixe a esta páxina. Para más información sobre o European Southern Observatory, véxase Observatorio Espacial Europeo.
Sistema educativo español
Réxime xeral
Réxime especial

A Educación Secundaria Obrigatoria (ESO) é o nivel educativo en ensino medio en España, obrigado dende a implantación da LOGSE a comezos dos anos noventa.

Características[editar | editar a fonte]

A Educación Secundaria Obrigatoria consta de catro subniveis agrupados en dous ciclos:

  • 1º ciclo: 1º e 2º da ESO
  • 2º ciclo: 3º e 4º da ESO

A idade do alumnado da ESO é a partir dos 12 anos en diante. O 1º e 2º cursos da ESO corresponden ao 7º e 8º da antiga Educación Xeral Básica (EXB) e o 3º e 4º cursos da ESO corresponden a 1º e 2º do anterior Bacharelato Unificado Polivalente (BUP).

A entrada na ESO prodúcese a partir da Educación Primaria, e a saída, cara ó mundo do traballo, programas de Garantía Social, ciclos de Formación profesional ou Bacharelato, posibilidades presentes en función dos resultados acadados. Está contemplada a posibilidade de repetir un máximo de dous cursos, un en cada cun dos ciclos. Na actualidade está entrando en vigor a LOE (Lei Orgánica da Educación), co que este nivel sufrirá cambios nos próximos cursos ó deixar de ter vigor a anterior lei, LOXSE.