David Fernández Rivera

David Fernández Rivera

Fotografía de David Fernández Rivera en 2004
Biografía
Nacemento	29 de xaneiro de 1986 (38 anos) Vigo Galicia
Datos persoais
País de nacionalidade	España
Actividade
Ocupación	dramaturgo , poeta
Xénero artístico	Poesía, teatro e dramaturgo
Lingua	Lingua castelá

David Fernández Rivera, nado en Vigo o 29 de xaneiro de 1986, é un poeta, dramaturgo, músico e director teatral galego. Aínda que ten escrito algunha peza en galego (Alén do mar), publica principalmente en castelán.

Traxectoria

De familia humilde, dá os seus primeiros pasos no mundo da poesía para posteriormente axuntala coa súa dedicación teatral.

Publicou diversos libros de poesía, obras de teatro e organizado a súa propia compañía teatral. Ademais de pola súa poesía e teatro, recoñéceselle especialmente polo uso destas como vehículo para a denuncia e o activismo social.

Entre as súas queixas e reinvindicaciones, móstrase unha clara alternativa de renovación, non exclusivamente humana, senón de todas as súas manifestacións artísticas, que considera desenvolvidas maioritariamente en catividade.

Traxectoria poética

David Fernández Rivera iniciou a súa andaina literaria con gran precocidad. Publicou o seu primeiro poemario con dezaoito anos baixo o título Caminando entre brumas, un libro que saíu á luz de mans da editorial Toro de Hierro, que dirixía o poeta Ángel Padilla, quen declararó no prólogo do mesmo, que o seu autor era un xenio da poesía.

No 2005 chegaron os poemarios Sentimiento y luz (acompañando as fotografías de Luís Lorenzo) e Canciones de mi ausencia. Estes dous libros reúnen moitos dos poemas que o acompañaron ao longo dos anos nos escenarios, aos cales puxo música e voz no disco e espectáculo poético Ecos de la noche, como é o caso dos poemas Al Alba, Mili ou Alén do mar.

Entre o 2005 e o 2008, o seu carrea literaria se vió truncada por unha dura depresión ao ser consciente de que a poesía non tiña calado social, polo menos non o que desexase, o mundo non era aquel polo que anhelaba a súa poesía. Nesas datas só aparece a antoloxía Córceles, con algúns poemas novos. Case tres anos despois, aos vinte e dous anos de idade, regresou co poemario Entre la sombra y el grito, cunha nova intención temática centrada nas cidades como proxección do ser humano, así como a escisión de leste coa súa propia natureza. Con este libro dá comezo a poesía máis filosófica do autor.

En 2009 publica 'Calipso', un libro que recompila Entre la sombra y el grito e Canciones de mi ausencia. Ese mesmo ano escribe xunto ao poeta valenciano Ángel Padilla o Manifesto do retorno e a liberación. Un texto que sitúa ao home moderno como hacinado nunha sociedade construída artificialmente, e que por tanto, non fai máis que darlle unha identidade artificial. No texto sosteñen que a poesía, como outras moitas manifestacións artísticas, caeron no delito de non emerxer desde as súas verdadeiras raíces.

O 2009 foi tamén o ano de lanzamento de Alambradas, o inicio dunha triloxía que explica todo este pensamento, ademais de tratarse dun poemario con imaxes moi fortes e un substrato extremadamente visionario.

O 2010 publica Sahara, un tratado de filosofía en verso. Extremadamente hermético e expresivo. Nel poeta fotografa cunha cámara de versos todo aquilo que lle rodea, penetrándose nos labirintos máis sanguentos do ser humano, da tolemia, da inquietudes baleiras, a etioloxía da dor, etc.

Nesta etapa as súas influencias estiveron marcadas por artistas da psicodelia como Syd Barrett.

A pesar de caer nunha nova depresión, en 2014 publicou o final da triloxía poética con Ágata, un poemario que reclama un achegamento afastado das regras da razón.

Carreira teatral

Inauguración dun poema visual de David Fernández Rivera no Porriño en 2017.

David Fernández Rivera foi coñecido ao longo de toda a súa traxectoria como un poeta que levaba a poesía aos máis diversos ámbitos. Fixo teatro como materialización da súa poesía, pero tamén fixo teatro coa perspectiva de levar a súa mensaxe a través das artes escénicas.

Practicamente todo o seu teatro caracterízase pola inclusión de elementos, figuras ou imaxes tanto físicas como textuais, tomadas directamente da poesía.

No campo teatral ha traballado desde técnico de luces, axudante de montaxe, actor, coreógrafo ou director.

Escribe con quince anos de idade o texto teatral Vermello sobre Negro, ambientado na guerra civil.

En 2009 crea a Compañía de David Fernández Rivera, agrupación coa que trata de levar poesía, música e teatro, non só ás cidades, senón tamén á contorna rural. Para ela escribiu e dirixiu, entre outros, o espectáculo Alambradas V.L. (2010).

En 2012 publicou o texto teatral Hipnosis/ La Colonia, libro no cal se reflexiona sobre o teatro, os seus espazos, así como a crítica a unha sociedade que proxecta e péchase a un tipo de teatro que David non considera natural.. No 2015 publicou unha selección de obras do compilatorio Esferas, unha ruptura coa súa anterior concepción poética e teatral.

Carreira musical

Con dezaseis anos iniciouse como director musical para facerse cargo de diversas interpretacións e composicións musicais como acompañamento principal da súa poesía

Na banda sonora do espectáculo teatral Alambradas V.L aposta polo ruído como elemento musical significativo, o uso de cacofonías significativas, música tímbrica e atonal, utilizando diferentes utensilios, ao non considerar aos instrumentos musicais como máis musicais que calquera outro elemento capaz de producir vibracións.

A pesar de todo isto, lanzou en 2011 e novamente en 2013, o disco Ecos de la noche, acompañado case na súa totalidade por guitarra en harmonía moderna, co fin de recrear os seus recitais anteriores ao 2005, cando aínda non desenvolvera uns principios musicais máis apoiados en figuras como John Cage.

No 2011 publicou o disco Romancero Gitano. Poemas Selectos de Federico García Lorca e en 2012 Miguel Hernández. Poemas Selectos, unha homenaxe ao poeta oriolano.

Educador

Realizou estudos de Maxisterio en Educación Primaria na Facultade de Ciencias da Educación no Campus de Pontevedra da Universidade de Vigo.

No marco da investigación pedagóxica desenvolveu en 2008 o Proxecto Caligrama 2000, a través do cal levou a poesía visual ás aulas, tanto en Galicia como no estranxeiro.

Radio

Aos dezasete anos comezou o seu labor de divulgación poética e cultural como locutor. Colaborou na emisora galega Radio Voz e foi director e presentador do espazo Literoterapia dentro do programa O Balneario de Radio ECCA e a súa posterior emisión desde Cadena 100.

Obra

Poesía

• Caminando entre brumas (Edicións Toro de Hierro, 2004)
• Sentimiento y luz (2005)
• Canciones de mi ausencia (Escrito en 2005. Edicións Parnaso, 2010. Dentro da antoloxía "Calipso")
• Corceles (Edicións Toro de Hierro, 2006)
• Entre la sombray el grito  (Escrito en 2008. Edicións Parnaso, 2010. Dentro da antoloxía "Calipso") ISBN 978-84-96662-72-8
• Alambradas (Colectivo Cultural Giner de los Ríos, 2010 e Éride Ediciones, 2011) ISBN 978-84-15160-36-6
• Sahara (Colectivo Cultural Giner de los Ríos e Poesía eres tú, 2011) ISBN 9788415006244
• Ágata (Edicións Antígona,2014) ISBN 978-84-15906-29-2

Teatro

• Rojo sobre negro.
• Alambradas V.L.
• Hipnosis/La Colonia (Edicións Antígona, 2012 ) ISBN 9788492531745

Outros

• Manifiesto del retorno y la liberación
• ¿Ser?, artigo (2009).

Discografía

• Ecos de la noche
• Audiolibro Romancero Gitano. Poemas Selectos de Federico García Lorca.
• Miguel Hernández. Poemas Selectos