Darren Aronofsky

Na Galipedia, a Wikipedia en galego.
Darren Aronofsky
Darren Aronofsky GIFF 2013.jpeg
Información persoal
Nacionalidade estadounidense
Data de nacemento 12 de febreiro de 1969
Lugar de nacemento Nova York
Filmografía
Películas dirixidas π (1998)
Requiem for a Dream (2000)
Below (2002)
The Fountain (2006)
The Wrestler (2008)
Black Swan (2010)
RoboCop (2011)
Películas guionizadas π (1998)
Requiem for a Dream (2000)
Below (2002)
The Fountain (2006)
Películas producidas π (1998)
Requiem for a Dream (2000)
The Fountain (2006)
The Wrestler (2008)

Ficha en IMDb

Darren Aronofsky, nado o 12 de febreiro de 1969 en Brooklyn, Nova York, é un director de cine estadounidense.

Traxectoria[editar | editar a fonte]

Despois de concluír o Ensino Medio, foi para a Universidade Harvard estudar cinema, interpretación e animación. Foi autor das curtas 'Supermarket Sweep (1991), Fortune Cookie (1991) e Protozoa (1993). O seu inicio como director de longametraxes foi no ano 1998, cando estreou a súa película Pi. A fita logrou un gran éxito de crítica e público, e obtivo varios galardóns, entre os cales destaca o do Festival de Sundance, que recoñeceu a Aronofsky como mellor director en 1998.

No 2000 estrea Requiem for a dream, baseado na novela homónima de Hubert Selby Jr, que tamén colabora de guionista, e que trata do mundo das drogas. Esta película foi coñecida mundialmente obtendo varios premios, e Ellen Burstyn estivo nominada ao Oscar e ao Globo de Ouro á mellor actriz polo seu traballo neste filme.

O seu seguinte filme foi no 2006, The fountain, que foi candidato ao León de Ouro de Venecia

No ano 2008 presentou The Wrestler, a súa cuarta longametraxe, que obtivo o León de Ouro do Festival de Venecia, e narra a vida Randy Robinson, un antigo campión de loita libre que se encontra na fin da súa vida profesional.

Filmografía como director[editar | editar a fonte]