Correo de Galicia (Bos Aires)
- Para outras páxinas con títulos homónimos véxase: Correo de Galicia.
Correo de Galicia foi un periódico galego editado en Bos Aires entre 1898 e 1965.
[editar] Historia e características
Atravesou varias etapas:
- A primeira, fundado e dirixido por Fortunato Cruces, de periodicidade semanal, apareceu en 1898.
- A segunda, entre 1899 e 1900, na que foi director Juan González Montenegro.
- A terceira e máis coñecida, entre 1908 e 1945, fundado por José Ramón Lence e José Vázquez Romaguera, e dirixido por José Ramón Lence, sendo Vázquez Romaguera o administrador. Apareceu o 22 de marzo de 1908 co subtítulo de Órgano de la colectividad gallega en la República Argentina.
Tratábase dunha publicación de información xeral, bilingüe, con predominio do castelán, que recolleu as actividades das diferentes institucións de emigrantes e as novas acaecidas na colectividade galega no ámbito do Río da Prata. Asumiu posturas galeguistas e mesmo republicanas durante a ditadura de Primo de Rivera, ata tomar postura en 1936 a favor do bando "nacional". En 1945 pasou a denominarse Nuevo Correo e foi dirixido por Braulio Díaz Sal, e máis adiante convértese no Faro de España.
Entre os seus colaboradores destacaron: Manuel Casas, Basilio Álvarez, Xavier Bóveda, Ramón María del Valle-Inclán, Aurelio Ribalta, Emilia Pardo Bazán, Eduardo Blanco Amor e Julio Camba.
- Unha cuarta etapa, na que reapareceu en 1965 dirixido por Perfecto López Romero.
[editar] Véxase tamén
[editar] Bibliografía
- Santos Gayoso, Enrique (1990), Historia de la Prensa Gallega 1800-1986, Sada: Do Castro. ISBN 84-7492-489-8.
