Constantino Manasés

Na Galipedia, a Wikipedia en galego.

Constantino Manasés (en latín Constantinus Manasses, en grego Κωνσταντῖνος ὁ Μανάσση) foi un historiador bizantino do século XII, que viviu so o emperador Manuel I Comneno (que reinou do 1143 ao 1180).

Traxectoria[editar | editar a fonte]

Escribiu a obra Σύνοψις ἱστορική (sýnopsis historiké, Sinopse histórica) que relataba a historia desde a creación ata o 1081 cando sobe ao poder Aleixo I Comneno, en versos que foron denominados versos políticos pero que máis ben son de prosa rítmica.

Outra obra de Constantino Manasés, a novela bizantina Amores de Aristandro e Calitea, tamén en verso político, coñécese só a través dos fragmentos conservados nunha obra de Macario Crisocéfalo (século XIV). Manasés escribiu tamén unha breve biografía de Opiano, e algúns textos descritivos (todos eles, agás uno, inéditos) acerca de arte e outros temas.

Commons
Commons ten máis contidos multimedia na categoría: Constantino Manasés