Clyde Tombaugh

Na Galipedia, a Wikipedia en galego.
Clyde William Tombaugh
Profesión: astrónomo
País: Estados Unidos de América Estados Unidos
Nado en: 4 de febreiro de 1906
Lugar de nacemento: Streator, Illinois
Faleceu en: 17 de xaneiro de 1997
Lugar: Las Cruces, Novo México


Clyde William Tombaugh, nado en 1906 e finado en 1997, foi un astrónomo norteamericano, máis coñecido por súa descuberta do planeta anano Plutón, en 1930. Tamén foi o descubridor de moitos asteroides e axudou na investigación de Ovnis.

Traxectoria[editar | editar a fonte]

Nado en Streator, Illinois, a súa familia mudouse pouco despois para Kansas. Tombaugh construíu o seu propio telescopio e enviaba bosquexos das súas descubertas ó Observatorio Lowell. Grazas a isto tivo unha oferta de emprego. Tombaugh traballou no Observatorio Lowell de 1929 ata o 1945.

Despois de descubrir Plutón, Tombaugh recibíu a graduación en astronomía nas universidades de Kansas e de Arizona. Traballou tamén no campo dos mísiles de White Sands, e deu clases na Universidade Estatal de Novo México de 1955 ata a súa xubilación, en 1973.