Ceferino Barbazán Montes
| Biografía | |
|---|---|
| Nacemento | 1 de maio de 1890  Vigo, España |
| Morte | setembro de 1984 (94 anos) Nova York, Estados Unidos de América |
| Datos persoais | |
| País de nacionalidade | España |
| Actividade | |
| Ocupación | empresario , xornalista |
Ceferino Barbazán Montes, nado en Vigo o 1 de maio de 1890 e finado en Nova York en setembro de 1984, foi un empresario, xornalista e político galego.
Traxectoria[editar | editar a fonte]
Fillo de Ceferino Barbazán, militar retirado en Vigo, e María Francisca Montes. Emigrou aos Estados Unidos de América en 1920 e instalouse en Nova York. Foi xerente do departamento de crédito do Hotel Ritz Carlton,[1] e empresario dedicado á importación de froitas. En xuño de 1934 recibiu e acompañou ao coro galego Anaquiños da Terra de Madrid na súa xira polos Estados Unidos.[2] En xullo dese ano chegou a Vigo para facer negocios en España,[3] e visitou Almería para coñecer o negocio da laranxa.[4] Presidente de The Spanish Newspaper Corporation, dirixiu o periódico La Voz aparecido en agosto de 1937 vinculado á Fronte Popular Antifascista Galega, onde se publicaron varios artigos de Castelao.
Vida persoal[editar | editar a fonte]
Casou con Obdulia Sandoval e foi pai de Gloria Barbazán Sandoval, nacida en 1925.
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Miranda Barreiro, David (2015). "A Fronte Popular Antifascista Galega de Nova York: unha lembranza". Praza Pública.
- Rey-García, Marta (1994). "Los españoles de Norteamérica y la Guerra Civil (1936-1939)" (PDF). REDEN: Revista Española de Estudios Norteamericanos (7): 107–120. Arquivado dende o orixinal (PDF) o 06 de maio de 2021. Consultado o 05 de maio de 2021.
- Varela-Lago, Ana (2008). "A emigración galega aos Estados Unidos: Galegos en Louisiana, Florida e Nova York (1870-1940)" (PDF). Estudos Migratorios I (2): 63–84.