Casa da Sabedoría

Na Galipedia, a Wikipedia en galego.

A Casa da Sabedoría ou Casa do Saber (en árabe بيت الحكمة‎ Bayt al-Hikmah) foi unha institución (que comprendía unha biblioteca e unha dependencia dedicada ás traducións) fundada en Bagdad polo califa Harún al-Rashid no século IX (aproximadamente no ano 800), institución continuada e perfeccionada polo seu fillo o califa Al-Mamun.

Era unha especie de universidade instituída como mostra do nacemento do interese do Islam pola ciencia e a cultura, case perdida en todo o mundo occidental, unha institución chave no movemento das traducións, e un gran centro intelectual durante a idade de ouro do Islam. Un dos seus membros máis destacados foi o matemático e astrónomo árabe al-Khwarizmí.