Al-Khwarizmi
Abu Abdullah Muhammad bin Musa al-Khwarizmi ou خوارزمی en lingua persa, nado en Khiva contra o ano 780 e finado no 850, foi un matemático e astrónomo persa de lingua literaria árabe.
Traxectoria [editar]
A súa familia trasladouse a Bagdad. Traballou como xefe de bibliotecarios da Casa da Sabedoría de Bagdad creada baixo o califato de Harún al-Rashid (e continuada polo seu fillo o califa Al-Mamun. Coñecido por desenvolver o concepto do algarismo en matemáticas (que deriva do seu propio nome), ademais de facer grandes contribucións en álxebra, trigonometría, astronomía, xeografía e cartografía como resultado de investigacións orixinais, responsable da utilización da sistema de numeración árabe en matemáticas e do emprego do cero. Supervisou o traballo de máis de 70 xeógrafos para crear o mapa do mundo entón coñecido.
As súas obras coñecéronse en Europa a través de traducións latinas, e a súa influencia foi fundamental do desenvolvemento das ciencias en Occidente.
- Véxase tamén: Historia da ciencia#A ciencia na Idade Media#Mundo musulmán.
Álxebra [editar]
O termo álxebra deriva da súa obra Al-Kitāb al-mukhtaṣar fī hīsāb al-ğabr wa’l-muqābala ou Al-jabr wa 'l-muqābala, isto é, Compendio do cálculo mediante restitución e redución, que foi traducido ao latín coma Liber algebrae et almucabala . O termo álxebra é a tradución literal de restitución feita polos tradutores ao latín da obra.
Obras [editar]
- Al-jabr wa 'l-muqābala (الجبر و المقابلة). Desta obra consérvanse a versión árabe e a latina.
- Kitāb 'al-jāmih wa 'l-tafrīq bī khisāb 'al-Hind (كتاب الجامع و التفريق بحساب الهند )
