Carmelo Lisón Tolosana
Na Galipedia, a Wikipedia en galego.
Carmelo Lisón Tolosana, nado en novembro de 1929 en La Puebla de Alfindén (Zaragoza), é doutor en Filosofía e Letras pola Universidade Complutense de Madrid e en Antropoloxía Social pola Universidade de Oxford.
Ten escrito máis dunha vintena de libros, ademais de colaboracións en diferentes publicacións, sobre temas antropolóxicos [1]. Resultado dos seus traballos de campo en Galicia, publicou, entre outras obras, Antropología Cultural de Galicia (1971) ou Perfiles simbólico-morales de la cultura gallega (1984).
