Campo do Gerês

Campo do Gerês

Localización
41°45′33″N 8°11′42″O
Estado	Portugal
Distritos	Distrito de Braga
Concello	Terras de Bouro
Xeografía
Superficie	62,38 km²

Campo do Gerês é unha freguesía portuguesa do municipio de Terras de Bouro, distrito de Braga, tamén coñecida como São João do Campo.

Xeografía

Esta antiga aldea está situada a oeste da Mata da Albergaria, en pleno corazón do Parque Nacional da Peneda-Gerês, a 15 km da capital do concello de Terras do Bouro.

A freguesía ocupa unha extensión de 62,38 km² e, no ano 2011, contaba cunha poboación e 162 habitantes, polo que a súa densidade de poboación nese ano era de 2,6 hab./km².

Evolución demográfica

Evolución da poboación da freguesía de Campo do Gerês (1864-2011).
1864	1878	1890	1900	1911	1920	1930	1940	1950	1960	1970	1981	1991	2001	2011
352	363	388	380	398	394	410	410	489	437	835	226	193	187	162

Cultura

Marco miliario XXIX da Vía Romana XVIII (Braga-Astorga). Campo do Gerês.

Campo do Gerês alberga o Museo Etnográfico Vilarinho das Furnas, para conservar a memoria do pobo do mesmo nome, que foi mergullado en 1971 debido á construción dun encoro.

Desde xuño de 2013 pódese visitar o Museu da Geira, que ten un programa museográfico sobre ás técnicas construtivas das vías romanas, así como do transporte empregado na época.

O museo estrutúrase en catro salas temáticas, un auditorio e despachos para estudos arqueolóxicos. O concello de Terras de Bouro conserva actualmente un percorrido de 30 km desde a antiga Geira romana.

Patrimonio

• Vía romana XVIII (Geira, desde o Lugar de Santa Cruz Souto até a Portela do Home), no seu trazado por Terras de Bouro, desde o miliario XIV (Santa Cruz) ao miliario XXXIV (Albergaria), incluíndo todas as estruturas arqueolóxicas asociadas a ela.
• Cruceiro de São João do Campo
• Marco miliario Covide e Campo