Bernardo Pasquini

Na Galipedia, a Wikipedia en galego.
Bernardo Pasquini

Bernardo Pasquini, nado en Massa o 7 de decembro de 1637, finado en Roma o 22 de novembro de 1710, foi un compositor italiano de ópera e música relixiosa.

Traxectoria[editar | editar a fonte]

Bernardo Pasquini naceu en Massa, Val de Nievole, Toscana. Foi alumno de Antonio Cesti e de Loreto Vittori. De novo viaxou a Roma e entrou no servizo do Príncipe Borgia. Logo foi nomeado organista da Basílica Santa María Maggiore. Tivo a protección da raíña Cristina de Suecia, a quen lle compuxo en 1679 a ópera Dov'é amore é pieta ("Onde están o amor e a piedade").

Durante a segunda estadía de Alessandro Scarlatti en Roma (1703-1708), Pasquini e Arcangelo Corelli xuntáronse frecuentemente con el para interpretar música, especialmente grazas á Academia Arcadia, da cal os tres eran membros.

É recordado como un vigoroso compositor de obras para clave. Durante os seus últimos anos de vida foi mestre de Domenico Zipoli. Pasquini expirou en Roma, e foi enterrado na igrexa de San Lorenzo in Lucina

Véxase tamén[editar | editar a fonte]

Ligazóns externas[editar | editar a fonte]

  • [1] Recursos gratis de Bernardo Pasquini no Werner Icking Music Archive