Ariel (Legacy of Kain)
Ariel é unha personaxe de videoxogos na saga de Legacy of Kain. A súa voz foi interpretada por Anna Gunn. Nas primeiras etapas da produción de Blood Omen: Legacy of Kain, Ariel era chamada "Adonathiel".
Historia[editar | editar a fonte]
Ariel serviu como Garda do Alicerce do Equilibrio por aproximadamente 470 anos, despois do ataque do vampiro Vorador ao Círculo dos Nove ata a súa morte a mans dun posuído Mortanius, quen estaba dominado pola forza escura coñecida como Lord Hylden. A súa morte foi o inicio da caída de Nosgoth. Ao atopar o seu corpo, o amante de Ariel, Nupraptor, caeu na tolemia, que contaxiou a todos os membros do Círculo dos Nove.
Pouco tempo despois da súa morte, Ariel empezou a axexar nos Alicerces de Nosgoth. Ela axudou a Kain nas súas viaxes como vampiro, escondéndolle o feito de que el estaba destinado a ser o seu sucesor como gardián do Alicerce do Equilibrio e que era necesario que se sacrificase para restaurar a Nosgoth. Despois de que Kain rexeitase o sacrificio, Ariel seguiu axexando os Alicerces, e presuntamente faríao por sempre ata que o balance fose restaurado.
Ariel recibiu a salvación cando Raziel bautizou a súa espada espectral na esencia purificadora de Ariel e a de todos os seus predecesores, os Gardiáns do Equilibrio. Este sacrificio, xunto co de Raziel, deulle a Kain unha vista purificada (foi curado da corrupción de Nupraptor) e unha Soul Reaver de poderes puros e incorruptibles.
