Nupraptor o Mentalista

Nupraptor é unha personaxe de videoxogo que aparece no primeiro xogo da serie Legacy of Kain. En Blood Omen, a súa voz interprétaa Richard Doyle.

Historia

Nupraptor serviu como gardían do alicerce da mente por aproximadamente 500 anos, despois do ataque do vampiro Vorador ao Círculo dos Nove ata a súa morte a mans de Kain. Como Gardían do Alicerce da Mente, Nupraptor posuía poderes coma telekinese, telepatía, empatía e clarividencia. Nupraptor era o amante de Ariel, a Gardiá do Equilibrio, e logo da súa morte, caeu en pena e tolemia. Isto levouno a coserse os ollos e maila boca para illarse do mundo exterior. Debido á unión psíquica que todos os membros do círculo comparten, tamén o resto dos membros foron contaxiados coa súa tolemia.

Cando Kain comezou a súa viaxe para acabar cos membros do círculo, Nupraptor foi a súa primeira vítima. cando o novo vampiro enfrontouse a Nupraptor, Malek o Sarafan apareceu para protexelo. Nupraptor fixo irse a Malek para poder loitar con Kain só, unha batalla que rematou coa vitoria de Kain e a morte de Nupraptor, logo disto Kain tomou a cabeza de Nupraptor para restaurar o Alicerce da Mente.