Andrés Vázquez Martínez
Biografía | |
---|---|
Nacemento | 1883 Burgás, España |
Morte | 1 de xaneiro de 1947 (63/64 anos) Santiago de Compostela, España |
Datos persoais | |
País de nacionalidade | España |
Actividade | |
Ocupación | político |
Lingua | Lingua castelá |
Andrés Vázquez Martínez, nado en Burgás (Xermade) cara a 1883 e finado en Santiago de Compostela o 1 de xaneiro de 1947, foi un comerciante e político republicano galego.
Traxectoria[editar | editar a fonte]
Comerciante en Vilalba. Pertenceu á directiva de La Unión Comercial Villalbesa. Durante a Segunda República foi concelleiro de elección popular como republicano federal e elixido primeiro tenente-alcalde de Vilalba.[1] Logo da inhabilitación do alcalde Jesús Ramil Cillero a finais de 1931, actuou como alcalde interinamente dende o 2 de xaneiro de 1932,[2] cesando cando Jesús Ramil foi reposto en 1933. Integrouse en Izquierda Republicana sendo vogal da Agrupación municipal (1934).[3] Logo do golpe de Estado do 18 de xullo de 1936 emigrou a Cuba en decembro de 1936. Foi expedientado e sancionado por responsabilidades políticas.[4] Finou en Santiago de Compostela o 1 de xaneiro de 1947.[5]
Vida persoal[editar | editar a fonte]
Casou con Antonia Peña Prieto e foi pai de Delia e Manuel Vázquez Peña.
Notas[editar | editar a fonte]
- ↑ El Pueblo Gallego, 9-6-1931, p. 10.
- ↑ O hospital asilo de Vilalba (36)
- ↑ Izquierda Republicana. Galicia
- ↑ BOE, 21-8-1940, p. 3873.
- ↑ Necrolóxica en El Progreso, 3-1-1947, p. 2.