A liña de sombra

A liña de sombra
Título orixinal	The Shadow Line
Autor/a	Joseph Conrad
Orixe	Reino Unido
Lingua	Inglés
Colección	Biblioteca Galega de Clásicos Universais
Xénero(s)	Novela
Editorial	J. M. Dent; Ir Indo
Data de pub.	novembro de 1917; 2000
Formato	Tapas duras
Páxinas	161 (gl)
ISBN	ISBN 84-7680-337-0
Tradución	Ana Isabel Iglesias Francos e Benigno Fernández Salgado
	[ editar datos en Wikidata ]

A liña de sombra^[1] (en inglés: The Shadow Line) é unha breve novela de Joseph Conrad ambientada no mar. É unha das súas obras tardías, foi escrita de febreiro a decembro de 1915 e publicada por primeira vez en 1916 como unha serie no New York's Metropolitan Magazine (setembro—outubro) e na English Review (setembro de 1916-marzo de 1917).^[2] Publicouse como libro en 1917 no Reino Unido (marzo) e Norteamérica (abril). A novela describe o desenvolvemento dun mozo ó tomar unha capitanía mercante en Oriente, coa liña de sombra, o título que representa o limiar deste desenvolvemento.

Foi traducida ó galego por Ana Isabel Iglesias Francos e Benigno Fernández Salgado e publicada por Ir Indo no ano 2000.^[1] No ano 2005, foi publicado de novo coa tradución de Iglesias Francos e Fernández Salgado dentro da colección Biblioteca Galega de Clásicos Universais.^[3]