Órbita (anatomía)
|
CORTE SAXITAL DUNHA ÓRBITA | |
|
Buratos e estruturas que comunican a órbita coa contorna: | |
| Ó cranio | |
|---|---|
| Burato óptico | Nervio óptico Arteria oftálmica |
| Fendedura esfenoidal | Nervios nasal, frontal e lacrimal Raíz simpática do ganglio oftálmico Nervio motor ocular común (III par cranial) Nervio motor ocular externo (VI par cranial) Nervio patético (IV par cranial) Vea oftálmica |
| Conduto etmoidal anterior | Arteria etmoidal anterior Filete etmoidal do ramo nasal da rama oftálmica do V par |
| Conduto etmoidal posterior | Arteria etmoidal posterior Nervio etmoidal de Luschka |
| Ás fosas nasais | |
| Conduto nasal | Conduto lacrimal ou naso-lacrimal |
| Ó exterior | |
| Incisura supraorbitaria | Nervio frontal externo (supraorbitario) Arteria e vea supraorbitarias |
| Conduto suborbitario | Nervio suborbitario Arteria e vea suborbitarias |
| Conduto malar | Nervio temporomalar Nervio maxilar superior |
| Fendidura esfenomaxilar | Anastomose venosa Rama orbitaria do nervio maxilar superior |
As órbitas son as dúas cavidades situadas a ambos os lados da liña media da faciana destinadas a acoller os ollos e os anexos.
Características xerais[editar | editar a fonte]
O volume contido no interior é de aproximadamente 30 ml, estando formado polo globo ocular, o nervio óptico, a musculatura extraocular, o paquete vasculonervioso (arteria, vea e nervio), a glándula lacrimal e a graxa periorbitaria.
As catro paredes son a superior, a inferior, a interna ou medial e a externa ou lateral. A superficie interna está tapizada por unha membrana fibromuscular denominada periórbita, que a nivel da canle óptica se continúa coa duramáter.
Denomínase rebordo orbitario ó bordo óseo que dá entrada á cavidade orbitaria, estando formado por arriba polo arco orbitario do frontal, por dentro e por debaixo pola apófise ascendente do maxilar superior, e por fóra e por abaixo, polo bordo anterosuperior do malar.
Parede superior[editar | editar a fonte]
Está constituída polo óso frontal e pola cara inferior da á menor do esfenoide. Nesta parede atópase a glándula lacrimal na parte máis lateral e a tróclea do músculo oblicuo maior na parte medial.
Parede inferior[editar | editar a fonte]
Formada pola cara superior da pirámide do maxilar superior, pola cara superior do malar e pola cara superior da apófise orbitaria do óso palatino. Na unión deses tres ósos fórmase un suco óseo denominado canle suborbitario.
Parede interna (medial)[editar | editar a fonte]
Formada polo lacrimal, a lámina papirácea do etmoide, as ás maiores do esfenoide e a apófise ascendente do maxilar superior. A lámina papirácea do etmoide é unha zona con pouco espesor óseo e sofre frecuentes afectacións por afundimentos en traumatismos graves.
Parede externa (lateral)[editar | editar a fonte]
Correspóndese coa poza temporal. Está formada polo óso malar (apófise orbitaria), pola á maior do esfenoide (cara anterior) e pola parte máis externa da bóveda orbitaria do frontal. Limita coa fendedura esfenomaxilar, que comunica a fosa orbitaria coa fosa pterigomaxilar.
Galería de imaxes[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Estructura del cuerpo humano. Sobotta. Posel P. y Schulte, E. Ed. Marbán (2000). ISBN 84-7101-294-4
- Anatomía del aparato locomotor. Tomo III (Cabeza y Tronco). Michel Dufour. Ed. Masson (2004). ISBN : 84-458-1282-3
- Atlas de Anatomía Humana Sobotta. Volumen I. Ferner, H. y Staubesand, J. Ed. Médica Panamericana. (1982) ISBN 84-85320-25-5
- Anatomía Humana. Testut, L. y Latarjet, A. Salvat Editores (1986) ISBN 84-345-1144-4
