Zacharias Janssen

Zacharias Janssen
	;
Biografía
Nacemento	década de 1580 ; A Haia
Morte	1632 (42/52 anos); Ámsterdam
Actividade
Lugar de traballo	Middelburg (1618–1620)
Ocupación	facribante de lentes (1616–1616), falsificador de cartos, construtor de instrumentos, glass grinder (en) , puidor de lentes, facribante de lentes, mecánico
Familia
Fillos	Johannes Sachariassen
Pai	Hans Janssen
Descrito pola fonte	Nieuw Nederlandsch Biografisch Woordenboek (en) , (vol:1, p.1209, 1210), ; Biographisch woordenboek der Nederlanden (en) ,

Zacharias Janssen (tamén escrito Zacharias Jansen e Sacharias Jansen), nado na Haia ca. 1585 e morto en Ámsterdam ca. 1638,^[1] foi un fabricante de lentes neerlandés, considerado un dos inventores do microscopio composto, aínda que a orixe deste aparello é aínda tema de debate. Tamén se asocia coa invención do primeiro telescopio óptico.

Traxectoria

Janssen desenvolveu a súa actividade en Middelburg. Pertencía a unha familia de ópticos e é moi posíbel que os seus pais, Hans e Maeyken participasen nos seus descubrimentos. Aínda que a orixe do microscopio é unha cuestión incerta, considérase a Jenssen como o inventor do microscopio composto (con dúas lentes), talvez coa axuda do seu pai, no ano 1595. O recoñecemento de dito invento outórgaselle en Middelburg. Xa que Zacharias era moi novo naquelas datas,^[2] é posíbel que Hans Lippershey, en cuxo taller traballaba Janssen, fabricara o primeiro, e que o mozo Zach asumira o control da produción.

Os primeiros microscopios producidos polos Janssen eran simplemente un tubo de 45 cm de longo e 5 cm de diámetro cunha lente converxente en cada extremo.^[3] Este instrumento chegou a ter entre 3 e 9 aumentos, dependendo do tamaño da abertura do diafragma.

Hai unha lenda que di que Zacharias Janssen, durante a súa infancia, descubriu o microscopio mentres xogaba con outro neno con lentes estragadas no taller de Hans Lippershey. Os rapaces poñían as lentes diante dos seus ollos en dirección ao cataventos da igrexa local e vían como esta parecía acercarse. Lippershey, por suposto, viu neste xoguete un útil instrumento para facer diñeiro, e o bautizou como tubo óptico. Pero esta lenda podería ser, como tantas outras, apócrifa, xa que en realidade a orixe do microscopio está aínda en debate.

O diplomático holandés William Boreel, máis adiante, testemuñaría que Lippershey lle roubara a idea do instrumento a Janssen, cando el tiña só dous anos de idade. Porén, hai serias razóns baseadas na personalidade de Zacharias Jansen para crer que en realidade non é o autor do microscopio, pois tiña reputación de deshonesto, xa que fixo a súa fortuna a base de falsificar moedas de cobre españolas, e despois tamén de ouro e prata.

Grazas ao primeiro microscopio empezaron a verse innumerábeis entes que non se podían ver antes, e comezouse a estudar mellor o que xa antes se vía. Apareceron novas cores, novos condutos e vasos sanguíneos en todos os corpos dos animais; apareceron novos seres vivos, en tanta cantidade que excedían en número aos que antes se coñecían.

Notas

↑ Algúns autores afirman que naceu, viviu e morreu en Middelburg.
↑ Zacharías Jenssen tería 10 anos, ou poucos máis.
↑ Imaxe

Véxase tamén

Bibliografía

Asimov, Isaac (2007): Historia y cronología de la ciencia y los descubrimientos. Barcelona: Editorial Ariel. ISBN 978-84-344-5344-9
King, Herry C. (2003): The History of Telesscope. Dover Publications Inc. ISBN 0-486-43265-3

Ligazóns externas

"Lens Crafters Circa 1590: Invention of the Microscope" American Physical Society (en inglés)
The History of the Telescope (en inglés)

[1] Algúns autores afirman que naceu, viviu e morreu en Middelburg.

[2] Zacharías Jenssen tería 10 anos, ou poucos máis.

[3] Imaxe

[1]

[2]

[3]