You Xie
 (2019)  | |
| Biografía | |
|---|---|
| Nacemento | 1 de outubro de 1958 (67 anos) Hainan |
| Residencia | Bamberg |
| Educación | Sun Yat-sen University (en)  Otto-Friedrich-Universität Bamberg |
| Actividade | |
| Lugar de traballo | Bamberg |
| Ocupación | xornalista, tradutor, escritor |
| Empregador | Otto-Friedrich-Universität Bamberg |
| Partido político | Unión Social Cristiá de Baviera |
  | |
You Xie (謝盛友), nado en Hainan, na China o 1 de outubro de 1958, é un político alemán, candidato ás Eleccións ao Parlamento Europeo de 2019, xornalista e autor de orixe chinesa. Ten nacionalidade alemá dende 2010.[1]
Traxectoria
[editar | editar a fonte]You Xie era fillo dun banqueiro e dunha mestra de escola de primaria. Naceu nunha época de fames na China. Medrou durante a Revolución Cultural e, por iso, non puido asisir á escola senón que houbo traballar no campo. De 1979 a 1983 estudou alemán e inglés na Universidade Sun Yat-Sen de Guangzhou. Tras graduarse, traballou como intérprete para Volkswagen en Shanghai.[2]
En 1988, marchou estudar lingua e literatura alemás, periodismo e etnoloxía europea na Universidade Otto-Friedrich de Bamberg, Alemaña, onde se graduou, en 1993, cunha tese sobre as políticas de prensa do Partido Comunista chinés. Posteriormente, entre 1993 a 1996, estudou Dereito na Universidade Friedrich-Alexander de Erlangen-Nuremberg.[3]
En 1989, Xie foi presidente da Asociación de estudantes e académicos chineses en Alemaña. En 1999, fundou o único periódico mensual en chinés que se editaba en Europa, o "European Chinese News", que se publicou até 2011.[1] Dende 2006, tamén, foi editor da revista cristiá "Overseas Campus".[4]
En 2010, foi seleccionado entre os "100 principais intelectuais públicos chinos" polo periódico chinés "Southern Weekly".[5] Uniuse á CSU en 2012[1] e o 20 de abril de 2013, foi seleccionado como candidato para comité executivo do distrito por membros da Unión Social Cristiá (CSU) obtendo 141 de 220 votos, o mellor resultado de tódolos candidatos que se presentaban.[5] En 2014, Xie foi elixido como concelleiro no concello de Bamberg coa maior cantidade de votos de tódolos candidatos da CSU.[6]
Vida familiar
[editar | editar a fonte]You Xie é protestante e está casado con Shenhua Xie Zhang. Vive en Bamberg, onde dirixe un bar para estudantes, o China Fan Imbiss.[1]
Obras seleccionadas
[editar | editar a fonte]- 2013, Als Chinese in Bamberg. Bamberg: Erich Weiß Verlag, Bamberg. ISBN 978-3-940821-28-7
- 2004, 人在欧洲 (en chinés; en galego: A vida en Europa). Bamberg: China Fan Verlag, Bamberg. ISBN 3-9809119-0-X
- 2001, 微言德国 (en chinés; en galego: Mirando a Alemaña). Bamberg: China Fan Verlag. ISBN 978-3-00-007430-1[7]
Premios e recoñecementos
[editar | editar a fonte]Notas
[editar | editar a fonte]- 1 2 3 4 Auer, Katja (14 de marzo de 2014). "Ente gut, alles gut". sueddeutsche.de (en alemán). Consultado o 24 de xaneiro de 2021.
- ↑ Redacción (18 de marzo de 2014). "You Xie - der Senkrechtstarter der Bamberger CSU". infranken.de (en alemán). Consultado o 22 de xaneiro de 2021.
- ↑ Groß, Simon (12 de xaneiro de 2015). "Ein Abend im Exil – Von alter und neuer Heimat". ottfried.de (en alemán). Arquivado dende o orixinal o 11 de xaneiro de 2021. Consultado o 22 de xaneirro de 2021. Arquivado 11 de xaneiro de 2021 en Wayback Machine.
- ↑ Mayer, Till (12 de novembro de 2011). "Anker in der neuen Heimat". taz.de (en alemán). Consultado o 24 de xaneiro de 2021.
- 1 2 Kalhoff, Maximilian (6 de xullo de 2013). "Frag nicht, was deine neue Heimat für dich tun kann". faz.net (en alemán). Archived from the original on 10 de xullo de 2013. Consultado o 24 de xaneiro de 2021.
- ↑ "Ergebnis zur Stadtratswahl 2014 am 16.03.2014". wahlen.bamberg.de (en alemán). 16 de marzo de 2004. Consultado o 22 de xaneiro de 2021.
- ↑ "Ergebnis der Suche nach: idn=976593076". dnb.de (en alemán). Consultado o 24 de xaneiro de 2021.
- ↑ "摘要: 孙兴利 “漂母杯”全球华文散文诗歌大赛首度走出国门，在欧洲续缘中华母爱。2014年11月10日晚上，由江苏淮安市淮阴区人民政府、淮安市外办、慕敏德中文化交流协会、汉堡大学孔子学院联合举办的第六届“漂母杯”全球 ...". huashangbao.com (en chinés). 18 de novembro de 2014. Archived from the original on 15 de xaneiro de 2017. Consultado o 24 de xaneiro de 2021. Arquivado 15 de xaneiro de 2017 en Wayback Machine.
- ↑ Redacción (28 de decembro de 2020). "【2020】首届（香港）紫荆花诗歌奖暨全球抗疫诗歌公益大赛揭晓". cthks.com (en chinés). Consultado o 24 de xaneiro de 2021.
- ↑ "全球抗疫诗歌公益大赛入选作品:谢盛友（德國）-李文亮". cthks.com (en chinés). 23 de maio de 2020. Consultado o 24 de xaneiro de 2021.
Véxase tamén
[editar | editar a fonte]Ligazóns externas
[editar | editar a fonte]- Sitio web oficial
- Ficha no Catálogo da Biblioteca Nacional Alemá.
