Yan Ge
| Biografía | |
|---|---|
| Nacemento | 1984 Sichuan, China |
| País de nacionalidade | Chinesa |
| Educación | Universidade de Sichuan |
| Actividade | |
| Ocupación | escritora, novelista  |
| Período de actividade | Século XXI |
| Xénero artístico | Novela |
| Lingua | Sichuanés, chinés, inglés |
Yan Ge (chinés simplificado: 颜歌; pinyin: Yán Gē), nada en Chengdu (Sichuan) en decembro do 1984, é unha escritora chinesa.
Traxectoria
[editar | editar a fonte]Yan Ge naceu na cidade de Chengdu, no distrito de Pixian.[1] O seu nome de nacemento é Dai Yuexing 戴月行.[1] Comezou a escribir aos dez anos, e publicou o seu primeiro libro aos dezasete.[2] Aos dezanove anos, perdeu á súa nai, o que tivo un forte impacto na escritora.[2] Doutorouse en Literatura Comparada pola Universidade de Sichuan, e é presidenta da Asociación de Escritores Novos da China.
No 2011, foi profesora visitante na Universidade Duke, nos Estados Unidos.[3] En novembro do 2012, foi escritora invitada no Festival Cruzando Fronteiras celebrado na Haia, participando tamén noutros festivais de literatura europeos.[4] Dende o 2015, vive en Dublín co seu marido e o seu fillo.[5]
Obra
[editar | editar a fonte]Yan Ge escribe en sichuanés, máis ca en mandarín estándar.[6] No ano 2023 publicou o seu primeiro relato en inglés, na antoloxía Elsewhere: Stories.[2]
As súas obras exploran temas coma o poder da linguaxe ou a diáspora chinesa, e varias delas destacan polo emprego de elementos mitolóxicos.[3][7] A súa novela máis coñecida, Yi shou zhi 异兽志 ("Monstros estraños", 2006), ambientada na ficticia vila de Yong'an, é unha caricatura da sociedade contemporánea.[1] Os seus protagonistas, diferentes razas de monstros moi parecidos aos seres humanos, constitúen unha alegoría da otredade e da alienación.[8]
Premios
[editar | editar a fonte]- 2002 - Concurso de Novos Conceptos de Escritura (1.º Premio)
- 2003 - Premio de Literatura Chinesa dos Medios.
Publicacións
[editar | editar a fonte]Novelas
[editar | editar a fonte]- Guan he 关河 ("O río Guan", 2004).[9]
- Shiqi yue zang 十七月葬 ("O funeral do décimo sétimo mes", 2004).[9]
- Liang cheng 良辰 ("Os bos tempos", 2005).[9]
- Yaonie pai miji 妖孽派秘笈 ("O libro secreto dos malvados", 2006).[9]
- Yi shou zhi 异兽志 ("Monstros estraños", 2006).[9]
- Wu yue nü wang 五月女王 ("A raíña de maio", 2008).[9]
- Shengyin yuetuan 声音乐团 ("A orquestra", 2011).[9]
- Women jia 我们家 ("A nosa familia", 2013).[9]
Relatos
[editar | editar a fonte]- Pingle zhen shangxin gushi ji 平乐镇伤心故事集 ("Historias tristes de Pingle", 2015).[9]
- Elsewhere: Stories ("Noutro lugar: Historias", 2023).[10]
Notas
[editar | editar a fonte]- ↑ 1,0 1,1 1,2 "Yan Ge 颜歌". www.chinese-shortstories.com. Consultado o 2024-01-13.
- ↑ 2,0 2,1 2,2 "Chinese writer Yan Ge finds solace in creating literary worlds". cbc.ca. Consultado o 14/01/2024.
- ↑ 3,0 3,1 Zhong, Na (2018-10-09). "Writing from In-Between: A Conversation with Yan Ge". The China Project (en inglés). Consultado o 2024-01-14.
- ↑ "China - DutchCulture - Your partner for international cultural ambitions". dutchculture.nl. Consultado o 2024-01-14.
- ↑ Abrahamsen, Eric. "Yan Ge". Paper Republic (en inglés). Consultado o 2024-01-14.
- ↑ Mialaret, Bertrand (2015-12-01). "Yan Ge: families, humour, Sichuan, a spicy dish.". Chinese book reviews (en inglés). Consultado o 2024-01-14.
- ↑ Bhanoo, Sindya N. (2023-09-15). "In Three New Story Collections, Much Is Left Unsaid". The New York Times (en inglés). ISSN 0362-4331. Consultado o 2024-01-14.
- ↑ Jeppesen, Travis (2021-09-21). "“Strange Beasts of China” by Yan Ge" (en inglés). Consultado o 2024-01-14.
- ↑ 9,0 9,1 9,2 9,3 9,4 9,5 9,6 9,7 9,8 "颜歌". 百度百科. Consultado o 2024-01-14.
- ↑ "ELSEWHERE - WorldCat.org". search.worldcat.org (en inglés). Consultado o 2024-01-14.
