Xoana de Évreux

Xoana de Évreux
	;
Biografía
Nacemento	1310 ; Évreux, Francia
Morte	4 de marzo de 1371 (60/61 anos); Brie-Comte-Robert, Francia
Lugar de sepultura	Basílica de Saint-Denis
Relixión	Cristianismo
Actividade
Ocupación	realeza
Outro
Título	Queen Consort of France and Navarre (en)
Familia	Casa de Évreux
Cónxuxe	Carlos IV de Francia (1324 (Gregoriano), 1325 (Gregoriano)–1328 (Gregoriano))
Fillos	María de Francia, Branca de França
Pais	Lois de Évreux e Margarida de Artois
Irmáns	Carlos de Evreux; Filipe III de Navarra; María de Evreux; Margarida de Evreux

Xoana de Évreux, nada en Évreux en 1310 e finada en Brie o 4 de marzo de 1371, foi raíña consorte de Francia e Navarra (1325 - 1328).

Traxectoria

Filla do conde Lois de Évreux e Margarida de Artois. Era neta pola liña paterna do rei Filipe III de Francia e María de Brabante e pola liña materna de Filipe de Artois e Branca da Bretaña. Era irmá do rei Filipe III de Navarra. Casou en Brie o 5 de xullo de 1325 co rei Carlos IV de Francia, sendo a súa terceira esposa. Desta unión naceron:

A princesa Xoana de Francia (1326 - 1327).
A princesa María de Francia (1327 - 1341).
A princesa Branca de Francia (1327 - 1392), que casou en 1344 co duque de Orleáns Filipe de Orleáns.

Foi coroada raíña o 11 de maio de 1326 na Sainte-Chapelle de París.

En 1326 deu a luz a unha filla, que viviu só un ano. Ao ano seguinte, trouxo ao mundo unha nova filla. De novo embarazada á morte do rei, 1 de febreiro de 1328, continuou a incerteza sobre a sucesión masculina do reino. Por fin deu a luz unha nova filla. Coa Lei sálica prevalecendo no Reino, estes nacementos provocarán o fin da rama principal e directa da dinastía Capeto para iniciar a dinastía Valois.

Xoana de Évreux morreu en Brie en 1371 e foi enterrada xunto ao seu marido na catedral de Saint Denis en París.

O Libro de horas de Xoana de Évreux, de Jean Pucelle que se conserva no museo The Cloisters de Nova York, é unha das obras mestras da miniatura medieval.

Véxase tamén