Xoán V Paleólogo

Na Galipedia, a Wikipedia en galego.
Saltar ata a navegación Saltar á busca
Xoán V Paleólogo
John V Palaiologos.jpg
Nacemento 18 de xuño de 1332
  Didymoteicho
Falecemento 16 de febreiro de 1391
  Constantinopla
Causa doenza
Nacionalidade Imperio Bizantino
Ocupación gobernante
Pai Andrónico III Paleólogo
Nai Ana de Saboia
Cónxuxe Helena Cantacuzena
Fillos Andrónico IV Paleólogo, Manuel II Paleólogo, Teodoro I Paleólogo e Miguel Paleólogo
Irmáns Miguel Paleólogo, Maria-Irene Palaiologina e Irene Paleóloga de Trebizonda
editar datos en Wikidata ]
Moeda de Xoán V Paleólogo

Xoán V Paleólogo (1332 - 16 de febreiro de 1391) foi o fillo de Andrónico III, a quen sucedeu como emperador bizantino en 1341, con nove anos de idade. Xoán VI Cantacuzeno, amigo do seu pai, actuou como o seu rexente e co-emperador (1347-1354). Xoán V viuse obrigado a loitar contra Xoán Cantacuzeno, pois este usurpou o trono durante a súa minoría, e non se fixo co poder ata 1354.

O seu reinado estivo marcado pola paulatina disolución do poder imperial, mentres os turcos otománs tomaban Adrianópolis e Filipolis (véxase Suleimán Pachá), conquistaban Serbia e obrigaban ao emperador a pagarlles tributo. Trala conquista de Galípolis polos turcos, a propia Constantinopla viuse ameazada, e Xoán V pediu auxilio a Occidente, propoñendo o final do cisma entre as igrexas bizantina e latina, ao recoñecer a supremacía desta última. Empobrecido pola guerra, foi detido polas súas débedas en Venecia (1369). En 1371 recoñeceu a soberanía do sultán otomán Murad I, que máis tarde o axudaría a recuperar o trono (1379), tras ser deposto polo seu fillo Andrónico IV en 1376. En 1390 o seu neto Xoán VII tamén usurpou o trono durante algún tempo. A Xoán V sucedeuno o seu fillo Manuel II Paleólogo. O seu segundo fillo Teodoro I Paleólogo herdou o Despotado de Morea en 1383.

Cara ao final do seu reinado, en 1390, Xoán mandou reforzar a Porta de Ouro de Constantinopla, e para iso usouse mármore das igrexas abandonadas na cidade. Ao terminar estas obras, Baiaceto I, con ameazas de guerra, esixiu que Xoán desmontase os devanditos reforzos: Xoán V viuse obrigado a obedecer as ordes do seu soberano, pero se di que morreu por mor dos sufrimentos derivados desta humillación.

Imperio Bizantino

Segue a:
Andrónico III Paleólogo
Xoán V Paleólogo
Precede a:
Manuel II Paleólogo
Dinastía Paleólogo