Xabier Barreiro Liz

Na Galipedia, a Wikipedia en galego.

Xabier Barreiro Liz, nado en Santiago de Compostela o 28 de novembro de 1971, é un escritor en lingua galega e artista plástico.

Traxectoria[editar | editar a fonte]

Formado na Universidade de Santiago de Compostela e na de Coímbra (Portugal), publicou artigos e narracións breves nas revistas literarias das respectivas universidades. Actualmente[cando?] dedícase ao mundo do ensino.

Obra[editar | editar a fonte]

Ten publicadas tres novelas. As dúas primeiras A cova dos mouros (2000) e A pantasma telefónica (2001), están tamén ilustradas polo autor e enfocadas a un público infantil. Na primeira fala das aventuras fantásticas dun cativo de orixe musulmá que se interna nun mundo incrible cheo de seres marabillosos. Na segunda obra, unha pantasma comeza a empregar as novas tecnoloxías para aterrorizar un grupo de mozos e mozas de secundaria. A terceira novela, O son esquecido (2005) adéntrase na novela para adultos. Trátase dunha reflexión sobre as relacións humanas. A protagonista, Raquel, navega por un mundo interno que a leva a coñecerse a si mesma, empregando a viaxe interior como medio de autocoñecemento.

Na actualidade[cando?] está a traballar en diversos proxectos editoriais relacionados co eido do ensino e da literatura, así como no desenvolvemento da súa obra fotográfica.