Voo 6437 de Taban Air

Voo 6437 de Taban Air
Instancia de accidente de aviación
Datas e cronoloxía
Data 24 de xaneiro de 2010
Características
Nave Tupolev
Implicados
Operador/a Taban Air (en)
Número de implicados
Mortes	0
Localización
Localización Aeroporto Internacional de Mashhad (pt)
Lugar de saída Abadan International Airport (en)
Lugar de chegada Aeroporto Internacional de Mashhad (pt)
País Irán
Coordenadas  36°12′N 59°36′L
Wikidata

O voo 6437 de Taban Air era un servizo regular doméstico que se esnafrou en Mashhad, Irán o 24 de xaneiro de 2010. As 170 persoas a bordo escaparon do avión incendiado sen que houbeses vítimas mortais. A meirande parte dos pasaxeiros era peregrinos regresando tras visitar lugares sagrados en Iraq.

Avión

O aparello implicado no accidente era un Tupolev Tu-154M. Tiña o rexistro RA-85787 e voara por vez primeira no ano 1993.

Accidente

O voo 6437 estaba sendo operado por Kolavia en nome de Taban Air. Saíra de Abadán e foi desviado a Isfahán debido á mala visibilidade en Mashhad. Cando a visibilidade mellorou o avión engalou outra vez, pero deteriorouse antes de que o voo 6437 puidese aterrar. Mantívose ao avión en espera preto do aeroporto de Mashhad cando un pasaxeiro se puxo seriamente enfermo. A tripulación declarou unha emerxencia médica. Os pilotos decidiron aterrar en Mashhad facendo unha aproximación ILS á pista 31R a pesar da pouca visibilidade. Durante a aterraxe a cola golpeou o chan causando que o avión se desviase fóra da pista, o tren do morro colapsou, a á dereita golpeou o chan e o avión incendiouse. Todos os pasaxeiros e tripulantes sobreviviron resultando 47 deles feridos.