Virginie Demont-Breton

Virginie Demont-Breton
	;
Biografía
Nacemento	26 de xullo de 1859 ; Courrières, Francia
Morte	10 de xaneiro de 1935 (75 anos); París, Francia
Actividade
Campo de traballo	Pintura
Ocupación	pintora, escritora
Membro de	Union des femmes peintres et sculpteurs (en)
Movemento	Naturalismo (pt)
Profesores	Jules Breton
Obra
	Obras destacables L'homme est en mer; (1883) La Plage (en) ;
Familia
Cónxuxe	Adrien Demont
Fillos	Adrienne Ball-Demont, Louise Demont, Éliane Demont
Pais	Jules Breton e Élodie Breton
Parentes	Edmond de Vigne, tío
Premios
	Cabaleiro da Lexión de Honra; Oficial da Lexión de Honra ;
	Sinatura
Descrito pola fonte	Women Painters of the World (Pintoras do Mundo) (pt) , (sec:Demont-Breton, Madame); Women in the fine arts, from the seventh century B.C. to the twentieth century A.D. (en)

Virginie Élodie Marie Thérèse Demont-Breton, nada en Courrières o 26 de xullo de 1859 e finada en París o 10 de xaneiro de 1935, foi unha pintora francesa.

Biografía

O seu pai Jules Breton e o seu tío Émile Breton eran pintores coñecidos. A través do seu pai presentouse a outros pintores, sendo a máis influente Rosa Bonheur, que se converteu nun modelo e mentora de Virginie.^[1] Casou co pintor Adrien Demont en 1880.

A súa carreira artística comezou cedo debido a que tiña vínculos familiares con pintores, e rematou a súa primeira pintura aos catorce anos.^[2] Aos vinte anos expuxo no Salón onde recibiu unha mención de honra e, catro anos máis tarde, gañou unha medalla de ouro na Exposición de Ámsterdam.

En 1890, ela e o seu marido mudáronse a Wissant, unha pequena aldea da Côte d'Opale, onde construíron unha vila deseñada polo arquitecto belga Edmond De Vigne. Chamada "Typhonium", é de estilo neoexipcio e é Monumento Histórico desde 1985.^[3]

Demont-Breton expuxo o seu traballo no Palacio de Belas Artes, no Edificio Infantil e no Edificio da Muller na Exposición Mundial de Columbia de 1893 en Chicago, Illinois.^[4]

Foi presidenta da Unión de Mulleres Pintoras e Escultoras de 1895 a 1901, aínda que renunciou por un curto período de tempo en debido a un desacordo entre ela e a comunidade da Unión sobre o que ela consideraba os seus métodos de votación inxustos.^[5] Traballou con Hélène Bertaux no seu esforzo por abrir a École des Beaux-Arts ás estudantes; un obxectivo que se conseguiu en 1897. Grazas ao seu éxito neste esforzo, as mulleres artistas tiveron a oportunidade non só de estar presentes en ámbitos académicos, senón tamén de utilizar ferramentas artísticas que antes non estaban dispoñibles, como modelos de espidos.^[6] Foi a segunda muller en ser condecorada coa Légion d'honneur -a primeira muller fora a súa mentora Rosa Bonheur- en 1894,^[7] e converteuse en Oficial en 1914. O ano anterior, fora elixida para a Real Academia de Belas Artes (Anveres) en 1913.

Orixinalmente pintou retratos e escenas históricas pero, tras mudarse a Wissant, pasou a pintar os pescadores e as súas familias nun estilo costumista e realista. En 1889, Vincent van Gogh pintou a súa propia versión dunha das súas obras, L'Homme Est en Mer ("O seu home está no mar"). Tamén pintou escenas de maternidade.

Galería

Alma mater
Mozo pescador
Esposa de pescador
Na auga
O seu home está no mar de Virginie Demont-Breton
O seu home está no mar (despois de Demont-Breton), de Vincent van Gogh, 1889, colección privada
Baixo o laranxeiro
Nai e fillo nun laranxeiro
Nena cunha guirlanda de flores silvestres

Obra escrita

Tendresses dans la tourmente. 1914-1919 Poesies, Alphonse Lemerre, París, 1920
Les maisons que j'ai connues . Plon-Nourrit, París, 1926

Notas

↑ Gaze, Delia. "Dictionary of Women Artists: Artists, J-Z." Fitzroy Dearborn Publishers 1 (1997): 449.
↑ Waller, Susan. "Fin de partie: A Group of Self-Portraits by Jean-Léon Gérôme." Nineteenth-Century Art Worldwide 9, no. 1 (2015): 297-308.
↑ "Villa Le Typhonium". www.pop.culture.gouv.fr. Consultado o 2022-06-30.
↑ "French Women Painters: 1893 Exposition--page 2". arcadiasystems.org. Consultado o 2022-06-30.
↑ Garb, Tamar. "Sisters of the Bush." Yale University Press, 1994, 14-18.
↑ Radycki, Diane. "“Pictures of Flesh”: Modersohn-Becker and the Nude." Woman's Art Journal; Outuno-inverno de 2009; 30, nº 2: 3-14.
↑ "Recherche - Base de données Léonore". www.leonore.archives-nationales.culture.gouv.fr. Consultado o 2022-06-30.

Véxase tamén

Bibliografía

Visages de Terre et de Mer - Regards de peintres à Wissant à la fin du 19è siècle, obra colectiva, Michèle Moyne-Charlet, Anne Esnault, Annette Bourrut Lacouture e Yann Gobert-Sergent, edición Pas-de-Calais, SilvanaEditoriale, agosto de 2014, 135 páxinas.
Yann Gobert-Sergent, "Virginie Demont-Breton (1859-1935), Peintre et témoin de la vie des marins de la Côte d'Opale", na Revue Boulogne et la Mer, #14, xullo de 2008, páxinas 4–7 .
Annette Bourrut-Lacouture, "Virginie Demont-Breton (1859-1935) peintre de Wissant. La famille, la mer et les mythes fin de siècle", Bononia, #19, 1991, páxinas 36–45.
Lee Bacon (1897). "A Painter of Motherhood. Virginie Demont-Breton. Chevalière de la Légion d'Honneur". The Century Illustrated Magazine. Vol. 53. Scribner & Company. pp. 210–215. Consultado o 1 de outubro de 2020.

Ligazóns externas

[1] Gaze, Delia. "Dictionary of Women Artists: Artists, J-Z." Fitzroy Dearborn Publishers 1 (1997): 449.

[2] Waller, Susan. "Fin de partie: A Group of Self-Portraits by Jean-Léon Gérôme." Nineteenth-Century Art Worldwide 9, no. 1 (2015): 297-308.

[3] "Villa Le Typhonium". www.pop.culture.gouv.fr. Consultado o 2022-06-30.

[4] "French Women Painters: 1893 Exposition--page 2". arcadiasystems.org. Consultado o 2022-06-30.

[5] Garb, Tamar. "Sisters of the Bush." Yale University Press, 1994, 14-18.

[6] Radycki, Diane. "“Pictures of Flesh”: Modersohn-Becker and the Nude." Woman's Art Journal; Outuno-inverno de 2009; 30, nº 2: 3-14.

[7] "Recherche - Base de données Léonore". www.leonore.archives-nationales.culture.gouv.fr. Consultado o 2022-06-30.

[1]

[2]

[3]

[4]

[5]

[6]

[7]