Vincenzo Cerulli
| Vincenzo Cerulli | |
|---|---|
 | |
| Nacemento | 20 de abril de 1859 |
| Lugar de nacemento | Téramo |
| Falecemento | 30 de maio de 1927 e 31 de maio de 1927 |
| Lugar de falecemento | Merate |
| Nacionalidade | Reino de Italia |
| Alma máter | Universidade de Roma La Sapienza |
| Ocupación | astrónomo |
| Irmáns | Emidio Cerulli |
| Coñecido por | descobridor de asteroides |
| [ editar datos en Wikidata ] | |
Vincenzo Cerulli, nado en Teramo o 20 de abril de 1859 e finado en Merate o 30 de maio de 1927, foi un astrónomo e matemático italiano propietario dun observatorio privado en Teramo, a cidade onde naceu.
Traxectoria[editar | editar a fonte]
Cerulli completou os seus estudos no Liceo Ginnasio de Teramo. Posteriormente matriculouse na Universidade de Roma, graduándose en física no ano 1881. Logo viaxou a Alemaña por un período de tempo para especializarse.
Cerulli foi un dos compiladores dun catálogo de estrelas xunto Elías Millosevich. Foi autor de numerosas observacións realizadas ao planeta Marte, así como un dos primeiros seguidores da teoría de que as famosas canles de Marte, observados por Giovanni Schiaparelli, non eran reais senón meras ilusións ópticas. O 2 de outubro de 1910 descubriu o enorme asteroide 704 Interamnia, de 350 km de diámetro.
Cerulli faleceu o 30 de maio de 1927 na pequena localidade de Merate (Lombardía). Anos máis tarde, en 1973, a Unión Astronómica Internacional acordou poñer o seu apelido a un cráter do planeta marciano, chamado Cerulli.
Véxase tamén[editar | editar a fonte]
Bibliografía[editar | editar a fonte]
- AURINI, RAFFAELE (2002). Dizionario bibliografico della gente d'Abruzzo. Andromeda Editrice (italiano). ISBN 88-86728-96-4.
