Viktor Zhdanov
 | Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
  | |
| Biografía | |
|---|---|
| Nacemento | 1 de febreiro de 1914 (Xuliano) Sviatohorivka |
| Morte | 14 de xullo de 1987 (73 anos) Moscova |
| Lugar de sepultura | cemiterio de Kuntsevo |
| Educación | Kharkiv National Medical University (en)  (–1936)Universidade Estatal de San Petersburgo |
| Actividade | |
| Ocupación | biólogo, virólogo, médico |
| Empregador | Q12074638 |
| Partido político | Partido Comunista da Unión Soviética |
| Premios | |
| Descrito pola fonte | Grande Enciclopedia Soviética 1969-1978, (sec:Жданов Виктор Михайлович) |
Viktor Mikhailovich Zhdanov (ruso: Виктор Михайлович Ждaнов) nado o 14 de febreiro de 1914 e finado o 14 de xullo de 1987, foi un virólogo soviético fundamental no esforzo para erradicar a varíola en todo o mundo.
Zhdanov naceu na aldea de Shtepino, Imperio Ruso (no actual Óblast de Donetsk, Ucraína).[1] Despois de se graduar no Instituto Médico de Khárkiv en 1936, pasou a década seguinte traballando como médico do exército, onde se interesou pola epidemioloxía; iso conduciría directamente á súa tese de doutoramento sobre a Hepatite A. [2] En 1946 foi invitado a ser xefe do Departamento de Epidemioloxía do Instituto Mechnikoff de Epidemioloxía e Microbioloxía, sendo o seu director en 1948. O seu traballo na clasificación de virus levouno a ser admitido no Comité Internacional de Taxonomía de Virus como membro vitalicio. [2] Ademais presidiu o Consello de Ciencia e Tecnoloxía de Bioloxía Molecular e Xenética da Unión Soviética.[3]
Erradicación da varíola
[editar | editar a fonte]
En 1958, Zhdanov, como viceministro de Sanidade da URSS, pediu á OMS que emprendese unha iniciativa global para erradicar a varíola. A proposta (Resolución WHA11.54) foi aceptada en 1959. [4] Zhdanov deixou o Ministerio de Sanidade en 1961 e centrouse na investigación científica durante o resto da súa carreira. Este traballo incluíu o estudo da gripe, a hepatite e, na década de 1980, o VIH. Polos seus esforzos para erradicar a varíola, Zhdanov recibiu o premio póstumo Future of Life xunto con William Foege. "Todos estamos en débeda con Bill Foege e Viktor Zhdanov polas súas contribucións á erradicación da varíola, que demostraron o inmenso valor da ciencia e da colaboración internacional na loita contra as enfermidades", dixo António Guterres, secretario xeral das Nacións Unidas. [5] William MacAskill escribiu: "A varíola foi unha das peores enfermidades que sufriu a raza humana, e a súa erradicación é un dos maiores logros da humanidade. Bill Foege e Viktor Zhdanov deberían ser celebrados polas súas contribucións e deberían inspirarnos hoxe a tomar medidas eficaces para resolver os problemas máis urxentes do mundo." [5] MacAskill argumentou que fixo "máis ben á humanidade que calquera outro ser humano na historia". [6][7] En consideración aos logros de Zhdanov e Foege, Bill Gates engadiu que "son exemplos fenomenais do que significa aproveitar a ciencia para a saúde global". [5]
Notas
[editar | editar a fonte]- ↑ Viktor Zhandov The Free Dictionary by Farlex, with the caveat that "Warning! The following article is from The Great Soviet Encyclopedia (1979). It might be outdated or ideologically biased."
- 1 2 In memory of Victor Zhdanov Archives of Virology 1991, Volume 121, Issue 1-4, pp 237-240
- ↑ Orent, Wendy (2004). Plague: The Mysterious Past and Future of the World's Most Dangerous Disease. Free Press. pp. 9-11
- ↑ Fenner, Frank (1988). Smallpox and Its Eradication (History of International Public Health, No. 6). Geneva. pp. 366–418. ISBN 92-4-156110-6.
- 1 2 3 "Future of Life Award 2020". Arquivado dende o orixinal o 09 de novembro de 2021. Consultado o 15 de xaneiro de 2022.
- ↑ Macaskill, William. "The best person who ever lived". BoingBoing. 30 de xullo de 2015. Consultado o 13 de xuño de 2016.
- ↑ Irlam, Gordon. "In praise of Viktor Zhdanov". 80,000 Hours. 23 de febreiro de 2012. Consultado o 20 de xuño de 2016.
