Viceversa (revista)

Para outras páxinas con títulos homónimos véxase: Viceversa.

Viceversa
Instancia de revista  Título Viceversa (gl)  Lingua lingua galega
Datas  Data de comezo 1995
Localización  País de orixe España
Recoñecemento  Premios e distincións Premio Xela Arias (2021)
Identificadores ISSN 1135-8920
Fontes e ligazóns  Páxina WEB webs.uvigo.es…
Wikidata

Viceversa é unha revista galega de ámbito universitario que recolle e analiza traballos sobre a tradución en Galicia.

Historia

Publícase dende 1995, poucos anos despois da creación dunha licenciatura de Tradución e Interpretación na Universidade de Vigo.

Canto aos contidos, salientar que recolle a produción científica dos dita licenciatura, así como traballos de personalidades da tradución e outros documentos de interese para os estudantes de Tradución e tamén de Filoloxía Galega.

No organigrama figura unha dirección, unha secretaría, un consello de redacción e mais un comité asesor.

A edición e publicación corre a cargo da Asociación de Tradutores Galegos e o Departamento de Filoloxía Galega e Latina da universidade viguesa.

Puntualmente colabora a Consellaría de Innovación, Industria e Comercio da Xunta de Galicia.

En 2014 o director da revista era Alberto Álvarez Lugrís.

Estrutura

Consta de cinco apartados ou seccións:

• Historia e teoría da tradución
• Instrumenta
• Traducións xustificadas
• Críticas e recensións
• Informacións

Véxase tamén

Bibliografía

• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X. 

Ligazóns externas

• Páxina web de Viceversa