Vicente Gómez Paratcha

Na Galipedia, a Wikipedia en galego.
Saltar ata a navegación Saltar á busca
Vicente Gómez Paratcha
Vicente Gómez Paratcha 1917.jpg
Nacemento 8 de abril de 1893
  Vilagarcía de Arousa
Falecemento 8 de xullo de 1961
  Río Ceballos
Nacionalidade España
Ocupación avogado, diplomático e xornalista
editar datos en Wikidata ]

Vicente Gómez Paratcha, nado en Vilagarcía de Arousa o 8 de abril de 1893 e finado en Río Ceballos (Arxentina) o 8 de xullo de 1961, foi un avogado e diplomático galego.

Traxectoria[editar | editar a fonte]

Irmán de Laureano Gómez Paratcha. Fundou en Vilagarcía de Arousa a Agencia Arosa, colaborou en Galicia Nueva e foi redactor-xefe e despois director de Heraldo de Arosa. Foi presidente da Juventud Maurista de Vilagarcía de Arosa. Foi membro fundador das Irmandades da Fala e participou nas campañas agraristas. Emigrou a Cuba nos anos vinte, onde se fixo famoso como letrado e asesor de varios consorcios azucreiros. Despois pasou a Perú, onde colaborou en El Tiempo, Ecuador, Panamá, Venezuela e, logo dun retorno fugaz a España, coincidindo coa proclamación da República, foi nomeado agregado da embaixada en Perú. Cando estalou a guerra civil foi expulsado de Lima, acusado de comunista. Instalouse en Arxentina, onde casou con Nelly Casco, viúva doutro matrimonio, adoptando as súas fillas, Delia e Susana Casale. Neste matrimonio tivo os seus fillos Vicente, María Mercedes e María Cristina. Traballou na compañía de seguros La Franco Argentina. Fundou e dirixiu a revista Franco Viva. Formou parte da Asociación Gallega de Universitarios, Escritores y Artistas (AGUEA) e da Agrupación de Intelectuales Demócratas Españoles.

Véxase tamén[editar | editar a fonte]

Ligazóns externas[editar | editar a fonte]