Vermudo Froilaz

Na Galipedia, a Wikipedia en galego.
Saltar ata a navegación Saltar á procura
Vermudo Froilaz

SepulturaMosteiro de San Martiño de Xuvia
PredecesorFroila Rodriguez
SucesorFroila Vermúdez
DescendenciaFroila Vermúdez
Lucia Vermúdez
Liñaxe / DinastíaCasa de Traba
ProxenitoresFroila Rodríguez
Eneca González

Escudo de Vermudo Froilaz
Ábsidas do Mosteiro de Xuvia, na Terra de Trasancos. Lugar de soterramento de Vermudo Froilaz e outros membros da Liñaxe Froilaz-Traba. Os Trava posuían o dereito de presentación do mosteiro, é dicir, o dereito a nomear o abade do mesmo.

Vermudo Froilaz, chamado "Manido", foi un nobre galego do século XI vinculado á terra de Trasancos.


O seu visabó foi Froila González (- - 1017), aliado de Almanzor na súa razzia á compostela do ano 997, e condenado ao desterro polo rei Afonso V. O dous avós de Vermudo Froilaz foron fillos de Froila González: Gonzalo Froilaz, pai de Eneca González (Eneca Gundisalviz); e Rodrigo Froilaz, pai de Froila Rodríguez (Froila Roderici). Os dous fillos de Gonzalo e Rodrigo, os curmáns Eneca e Froila, foron os pais do conde Vermudo[1].

Vermudo Froilaz casou en primeiras nupcias coa aristócrata Guntronda de Riveira, filla do conde Adoino de Riveira[2], e posteriormente con Dona Lupa Rodríguez, falecida no 1071. Deste segundo matrimonio tivo dous fillos: Lucia Vermúdez e Froila Vermúdez. A través da descendencia do conde Froila Vermúdez naceu a, denominada pola historiografía, casa de Traba. Liñaxe nobre do Reino de Galiza de enorme poder poder económico e político en todo o norte da Península Ibérica durante os séculos XI e XII[3].

Esta soterrado xunto a súa segunda esposa e o seu fillo Froila no Mosteiro de San Martiño de Xuvia[4].


Notas[editar | editar a fonte]

  1. LÓPEZ SANGIL 2005. p. 15
  2. "Liñaxe Riveira". Xenealoxías do Ortegal. Consultado o 17/10/2018. 
  3. "Liñaxe Froilaz-Trava". Xenealoxías do Ortegal. Consultado o 17/10/2018. 
  4. LÓPEZ SANGIL 2005. p. 16

Véxase tamén[editar | editar a fonte]

Bibliografía[editar | editar a fonte]