Vari Caramés

Vari Caramés

Biografía
Nacemento	1953 (70/71 anos) Ferrol, España
Datos persoais
País de nacionalidade	España
Actividade
Ocupación	fotógrafo
Lingua	Lingua castelá

Vari Caramés Medín, nado en Ferrol en 1953, é un fotógrafo galego.

Traxectoria

Estudio de Vari Caramés na rúa das Ferrarías da Coruña.

Nado en Ferrol e asentado na Coruña, comezou a fotografar con quine anos, cando o seu pai lle regalou unha cámara Voigtlander A súa primeira exposición foi na Coruña en 1980, cidade onde ao longo da súa carreira expón reiteradamente. En 1986 foi invitado a participar no proxecto vigovisión, da II Edición da Fotobienal, certame hoxe con fama internacional, no que seis fotógrafos de diferentes países debían retratar Vigo durante unha semana. Colectivamente expuxo en diferentes cidades de Galiza, así como en Madrid, Santander, Lisboa, Braga, Córdoba e Quimper (Francia).

Estilo

Na súa obra hai unha nostalxia acusada, desde a deliberada intemporalidade que imprimen as súas imaxes, nas que o plástico imponse ao testemuñal, aínda que, ao fin rematan sendo emotivos documentos definidores dun lugar, un ambiente, unha situación. Interésalle máis o pormenor, o miúdo, que a totalidade.

Bibliografía

• Álbum Vari Caramés. Vigo. Centro de Estudos Fotográficos, 1989.
• Vigovisións. 2ª Fotobienal. Vigo, 1986.
• Portafolio. Colección de traballos en diversas publicacións. A Coruña, 1990.
• VV.AA.: Vari Caramés "Visión Animal" . Compostela, Xunta de Galicia, 1996 (con ampla referencia bio- bibliográfica).

Véxase tamén

Ligazóns externas

• varicarames.com

• Vari Caramés na Colección Afundación.
• Galería de imaxes Arquivado 20 de agosto de 2008 en Wayback Machine. e texto do fotógrafo Arquivado 24 de xullo de 2008 en Wayback Machine., escrito a raíz da súa inclusión na Galería cefvigo.
• Reportaxe sobre a súa exposición Recreo (vídeo)