Víctor Moldes Carro
| Biografía | |
|---|---|
| Nacemento | 1886  Campañó, España |
| Morte | 17 de abril de 1937 (50/51 anos) Monte Porreiro, España |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
Víctor Moldes Carro, nado en Campañó (Pontevedra) en 1886 e finado en Monte Porreiro o 17 de abril de 1937, foi un comerciante e político galego.
Traxectoria[editar | editar a fonte]
Veciño de Casaldarado (Lérez), era propietario dunha tenda de ultramarinos. Membro da Sociedade de agricultores de Lérez, foi vogal da Federación Agraria Comarcal en 1920. Nomeado presidente da federación, durante o seu mandato tivo lugar en Pontevedra un Congreso Agrario os días 25 e 26 de maio de 1935. Tamén foi presidente da patronal do gremio de ultramarinos. Participou na campaña electoral das eleccións de febreiro de 1936 dando mitins do Frente Popular. Logo do golpe de Estado do 18 de xullo de 1936 estivo fuxido polos arredores de Pontevedra. Despois foi fuxindo a Padrón e volveu por Vilanoviña, onde estivo varios días, regresando a Lérez onde a súa muller lle levou a nova de que o sacerdote Leandro del Río Carnota prometera que se se entregaba e lle daba cartos á Garda Cívica salvaría a vida. Presentouse no mosteiro e foi detido o 12 de setembro.[1] Ingresou na prisión provisional da Escola Normal de Pontevedra. Xulgado polo delito de rebelión en consello de guerra con Manuel Buján, José Acuña, Claudio Magdalena, Albino Sánchez e Constantino Gómez o 16 e 17 de febreiro de 1937, foi condenado a morte. Foi executado as sete da mañá do 17 de abril, no km 1 da Avenida do Uruguai. Tamén lle foron incautados os seus bens.
Vida persoal[editar | editar a fonte]
Casou con Elisa Ruibal Cons, e foi pai de Chicha, Víctor, José, Ramiro e Manuel Moldes Ruibal.
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
Ligazóns externas[editar | editar a fonte]
- Víctor Moldes Carro na páxina web Nomes e Voces.