Ubaldo Pasarón

Na Galipedia, a Wikipedia en galego.
(Redirección desde «Ubaldo Pasarón y Lastra»)
Ubaldo Pasarón
Nacemento16 de agosto de 1827
Lugar de nacementoRibadeo
Falecemento21 de marzo de 1864
Lugar de falecementoSanto Domingo
NacionalidadeEspaña
Ocupacióninventor e escritor
IrmánsRamón Pasarón Lastra
editar datos en Wikidata ]

Ubaldo Pasarón Lastra, nado en Ribadeo o 16 de agosto de 1827 e finado en Santo Domingo de Guzmán o 21 de marzo de 1864,[1] foi un militar, inventor e escritor en lingua castelá de orixe galega.

Traxectoria[editar | editar a fonte]

Irmán de Ramón Pasarón Lastra. Foi Capitán do exército español, co que foi destinado a Hispanoamérica. Escribiu dende moi novo poesía, teatro e diversos textos verbo da milicia. Foi colaborador de varios xornais madrileños. Publicou Poesías y leyendas (1850) e Instrución castrametaria o breve método para acampar la Infantería en yermos y despoblados (1861).

Como inventor, ideou un globo dirixíbel de rumbo fixo co que sería posible dar a volta ao mundo, a unha altura dunha legua e en 11 días. Ideouno estando na Habana e sendo capitán de infantaría, e fíxoo público nun artigo na Gaceta de La Habana dos días 24 e 29 de abril de 1862, e pouco despois mediante un folleto publicado na devandita cidade e reeditado ese mesmo ano, moi ampliado e corrixido, baixo o título Pilotage Aereonáutico.

Notas[editar | editar a fonte]

  1. «Ubaldo Pasarón y Lastra», Diccionario biográfico español, Real Academia de la Historia.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]