Txus di Fellatio

Txus di Fellatio
	;
Biografía
Nacemento	(es) Jesús María Hernández Gil ; 21 de xaneiro de 1970 (54 anos); Bilbao, España
Datos persoais
País de nacionalidade	España
Actividade
Ocupación	músico de rock , empresario , batería , compositor de cancións , escritor
Período de actividade	1988 -
Membro de	Mägo de Oz ; Bürdel King (en)
Xénero artístico	Folk metal
Pseudónimo literario	Txus di Fellatio
Lingua	Lingua castelá
Instrumento	Batería

Jesús María Hernández Gil, nado en Bilbao (País Vasco) o 21 de xaneiro de 1970, coñecido como Txus di Fellatio, é un músico, cantante e compositor vasco. Txus é fundador dos grupos de folk metal Mägo de Oz e Bürdel King. No primeiro é batería e no segundo, vocalista.

Traxectoria[editar | editar a fonte]

De neno quería ser músico e futbolista. Durante a súa infancia asistiu ao Colexio Valdeluz dos Pais Agostiños. Txus dedicou oito anos ao fútbol sala e xogou no Real Madrid como porteiro. Tras ser operado de ambos cóbados, decidiu deixar o fútbol e dedicarse completamente á música. En 1989 formou a banda Transilvania, nome tributo a Iron Maiden, que máis tarde se convertería en Mägo de Oz. Estaba formada inicialmente por Juanma, amigo do barrio, como vocalista, e Txus no posto de batería.

Na primeira formación, coa que se gravaron as primeiras maquetas, estaban Juanma (voz e guitarra rítmica), Pedro (guitarra solista), David (baixo e coros) e Txus (batería e coros). Para a súa terceira maqueta, contra 1992, convidou o seu amigo Carlos Prieto «Mohamed», quen interpretou «El Tango de un Donante» e acabou por unirse á banda. Txus e Mohamed son os únicos membros que permanecen desde os inicios de Mägo de Oz.

Máis alá da música[editar | editar a fonte]

Txus escribiu El cementerio de los versos perdidos, que foi publicado o 23 de outubro de 2006. Trátase dun libro de 52 páxinas, cun CD en que el mesmo recita os seus poemas. Amais, inclúe tres cancións: «Adiós Dulcinea», «Y serás canción» (dedicada a Big Simon, finado en xullo dese ano) e «No me digas adiós», coas colaboracións de Juanmi Rodríguez, do grupo Cuatro Gatos, e de Leo Jiménez. Este libro dedícallo exclusivamente a Big Simon coas palabras: «Na memoria de Simón Echevarría (Big Simon), un alma bela que se converteu en canción». En 2012 publicou o seu libro Si la vida te pisa, desenvaina una sonrisa, unha autobiografía súa e de Mägo de Oz.

Colaboracións[editar | editar a fonte]

Txus, xunto a José Andrëa, colaboraron como cantantes na canción «Mi Jefe» da banda Mojinos Escozíos. Txus tamén canta na canción «Rey del Glam» de Fangoria. Como letrista, colaborou na letra de «La Vida te Espera» de Lándevir. Amais, apareceu no videoclip de «Derrotado», de Savia.