A trompeta dos mortos ou cantarela moura (Craterellus cornucopioides, anteriormente Cantharellus cornucopioides, (do gregocornucopia: corno da abundancia), é un cogomelo comestible apreciado pero moi descoñecido para moitos recolectores. O seu aspecto gris-negruzco fai que sexa rexeitado por moita xente, cando é un cogomelo tanto ou mellor comestible que o seu parente a trompeta amarela.
De cor gris escuro ou moreno negruzco, en forma de corno ou de funil profundo (deiquí o seu nome) que chega case até a base do pé, de marxe estendida, carne tenaz e aromática, coa superficie himenial simplemente engurrada. A súa carne delgada e fibrosa dificilmente podrece.
Ten moitas aplicacións culinarias e pode conservarse seco en feixes ou ben en po como condimento. Desprende un cheiro que lembra á ameixa e o seu gusto é parecido ó da trufa.
Trompetas dos mortos
Trompetas dos mortos recollidas no Empordà.
Trompetas dos mortos.
