Tomo Miličević
| Tomo Miličević | |
|---|---|
 | |
| Nome completo | Tomislav Miličević |
| Data nacemento | 3 de setembro de 1979 (43 anos) |
| Nado en | Saraxevo |
| Irmáns | Ivana Miličević |
| Ocupación | baixista, músico, guitarrista, compositor de cancións e produtor musical |
| Instrumento(s) | guitarra, violín, piano |
| Relacionado con | 30 Seconds to Mars |
| Na rede | |
       | |
Tomislav Miličević, nado en Saraxevo o 3 de setembro de 1979, é un músico de Bosnia e Hercegovina. É guitarrista e teclista ocasional da banda 30 Seconds to Mars. É o irmán máis novo da modelo e actriz Ivana Miličević.
Traxectoria[editar | editar a fonte]
Naceu nunha familia de orixe croata, pero pasou a maior parte da súa vida nos Estados Unidos, xa que os seus pais, Tonka e Damir Miličević, emigraron a Detroit, Míchigan, na procura dunha vida mellor. Ademais da súa irmá Ivana, tamén ten un irmán máis novo chamado Filip.
Tomo comezou a tocar o violín á idade de 3 anos. O seu tío, Bill Miličević, é violinista profesional e mestre na escola de música de Míchigan. Na adolescencia descubriu o rock, sendo o Nevermind de Nirvana o primeiro disco que mercou cos seus cartos, e máis tarde a súa irmá Ivana levouno a ver Nirvana en directo, o que sería o seu primeiro concerto de rock.
Coa axuda do seu pai fabricou unha guitarra, que anos máis adiante usaría para gravar o tema "A Modern Myth" do segundo álbum de 30 Seconds to Mars, A Beautiful Lie. Dende o 2000 ao 2002 tocou nunha pequena banda de Míchigan chamada Morphic, e unha vez disolto o grupo decatouse grazas a Shannon Leto, a quen coñecía dende anos antes, de que 30 Seconds to Mars buscaba guitarrista trala saída de Solon Bixler. Realizou unha audición e consguíu entrar a formar parte do grupo no ano 2003.
