The Dead Weather
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2016.) |
| The Dead Weather | |||||||||||||||
|---|---|---|---|---|---|---|---|---|---|---|---|---|---|---|---|
| |||||||||||||||
| |||||||||||||||
| |||||||||||||||
| |||||||||||||||
| |||||||||||||||
| |||||||||||||||
| |||||||||||||||
| Wikidata G:Commons C:Commons | |||||||||||||||
The Dead Weather é un supergrupo estadounidense de rock alternativo, formado en Nashville, Tennessee en 2009. Composto por Alison Mosshart (de The Kills e Discount), Jack White (de The White Stripes e The Raconteurs), Dean Fertita (de Queens of the Stone Age) e Jack Lawrence (de The Raconteurs, The Greenhornes e City and Colour),[1] The Dead Weather estreouse na inauguración da sede do selo Third Man Records en Nashville o 11 de marzo do 2009. Pouco despois editaron o seu primeiro sinxelo, "Hang You from the Heavens".
Historia
[editar | editar a fonte]Formación
[editar | editar a fonte]Cando The Raconteurs actuaron en Memphis, Tennessee, Jack White quedou sen voz e a banda pediulle a Alison Mosshart de The Kills que o substituíse nalgúns temas. Ela fixo as voces principais en "Steady as She Goes" e "Salute Your Solution". White posteriormente preguntoulle se podería gravar un tema con el e Jack Lawrence. Os tres coñeceron a Dean Fertita no estudio e acabaron realizando máis que unha única canción esa noite.
Finalmente decidiron formar unha banda con Mosshart como cantante principal, Lawrence no baixo, Fertita na guitarra e nos teclados e White na batería. Jack White dixo que quería tocar a batería na banda porque despois de tocala en "Another Way to Die" con Alicia Keys, interesouse máis polo instrumento. Xa tocara cando era neno, e na banda Goober & the Peas antes de formar The White Stripes. White afirmou que verse tocando a guitarra noutra banda sería moi repetitivo e vía a oportunidade de facer algo distinto.
Influencias
[editar | editar a fonte]Tanto Alison Mosshart como Jack White están fortemente influenciados por Captain Beefheart e participaran en varios tributos seus, ademais de ter versionados cancións súas coas súas anteriores bandas. The Dead Weather adoitan a iniciar as súas actuacións cunha intro do tema de Captain Beefheart "Sure Nuff 'N' Yes I Do". Na canción "Hussle and Cuss", a primeiroa liña que canta Alison é "knock on the door and the door knocks back", unha clara referencia á canción de Beefheart "The Dust Blows Forth 'n the Dust Blows Back". En "Blue Blood Blues" Jack canta "Lick an ice-cream cone" que pode ser unha referencia á canción "Ice-Cream For Crow".
Horehound
[editar | editar a fonte]En xaneiro do 2009, Mosshart, Fertita, Lawrence e White reuníronse para unha sesión improvisada no estudio White's Third Man. S sesión foi seguida por dúas semanas e media de composición e gravacións, durante as cales formouse The Dead Weather.
O álbum de estrea de The Dead Weather, Horehound, editouse o 13 de xullo de 2009 en Europa e un día máis tarde en Norteamérica. Entrou no posto 6 da lista Billboard 200 e no 14 da lista vritánica de álbums. Tres dos seus temas ("No Hassle Night," "Hang You from the Heavens" e "Treat Me Like Your Mother") estiveron dispoñibles como contido descargable para o videoxogo Rock Band o mesmo día da edición norteamericana.
Jack White co-dirixiu un pequeno documental sobre a banda chamado Full Flash Blank. Nel aparecen entrevistas exclusivas cos membros do grupo e tamén aparecen tocando "60 Feet Tall," "I Cut Like A Buffalo" e "Treat Me Like Your Mother". Full Flash Blank foi emitido no Channel 4 xusto despois do programa Later... With Jools Holland no que saía The Dead Weather interpretando os seus tres primeiros sinxelos.
Sea of Cowards
[editar | editar a fonte]O 16 de outubro do 2009 Mosshart confirmou que un segundo traballo estaba a medio camiño.[2] White anunciou posteriormente que o seu primeiro sinxelo chamaríase "Die By The Drop", para o cal el faría as voces principais.
Sea Of Cowards lanzouse inicialmente o 7 de maio do 2010 en Irlanda, e posteriormente o día 10 e o 11 nos Estados Unidos e no Reino Unido respectivamente. O álbum acadou o número 5 na lista Billboard 200.[3] A súa canción "Rolling in on a Burning Tire" aparece na banda sonora da película The Twilight Saga: Eclipse.
Os membros de The Dead Weather volveron aos seus outros proxectos; porén, Lawrence dixo que cara finais do ano 2010 a banda volvería a realizar máis gravacións ou concertos.
Discografía
[editar | editar a fonte]Álbums de estudio
[editar | editar a fonte]| Álbum | Ano | Selo |
|---|---|---|
| Horehound | 2009 | Third Man Records |
| Sea of Cowards | 2010 | Third Man Records |
| Dodge and Burn | 2015 | Third Man Records |
EPs
[editar | editar a fonte]Notas
[editar | editar a fonte]- ↑ "Jack White unveils new band with members of Queens of the Stone Age and the Kills". the Guardian (en inglés). 2009-03-13. Consultado o 2022-06-27.
- ↑ "New Dead Weather LP 'half done'". BBC News (en inglés). 2009-10-16. Consultado o 2024-10-13.
- ↑ Cabison, Rosalie (2013-01-02). "Billboard 200™". Billboard (en inglés). Consultado o 2024-10-13.
Véxase tamén
[editar | editar a fonte]Ligazóns externas
[editar | editar a fonte]- Páxina oficialArquivado 22 de febreiro de 2012 en Wayback Machine.
